16:16 03 Ԥхынгәы 2020
Ишиашоу ицо аефир
  • USD70.50
  • EUR79.22

Џьапуа ашәҟә ҿыц азы: аԥсуаа рҿаԥыцтә культура иазҿлымҳау рзы цаԥхоуп

Арадио
Икьаҿу ахьарԥш аиура
65 0 0

Аԥсны Аҭҵаарадыррақәа ракадемиа ахада Зураб Џьапуа арадио Sputnik аҟны еиҭеиҳәеит ашәҟәы "Аԥсуа фольклор аизгаразы азҵааранҵа" ахшыҩҵак шизцәырҵыз.

Џьапуа ашәҟә ҿыц азы: аԥсуаа рҿаԥыцтә культура иазҿлымҳау рзы цаԥхоуп

"Аԥсны аибашьара анеилга инаркны Аԥсуаҭҵааратә институт афольклор аҟәша аҟны аус зуа зегьы алархәны абри азҵааранҵа аизгара салагеит жанр-жанрла еиҟәшаны. Аха ԥыҭраамҭак анаҩс еиуеиԥшым амзызқәа ирыхҟьаны апроект нагӡамкәа иаанхеит. Шықәсқәак раԥхьа еицырдыруа амеценат Мусса Екзекови ҳареи ҳаицәажәарақәа рнаҩс иҳаӡбеит абри атема хазы апроект иалаҳҵарц. Уаанӡа ҳазлагахьаз азҵаарақәа шьаҭас иҟаҵаны ҿыц еизырҳаны иҟаҵаз ыҟоуп. Азҵааранҵа хықәкыс иамоуп 18-19-тәи ашәышықәсақәа рзы иҟаз атекстқәа раарԥшразы цхыраагӡаны аҟаҵара. Хықәкыла астудентцәа, мамзаргьы афольклорҭҵааҩцәа ирызкӡам, аԥсуаа рҿаԥыцтә культура  атрадициа иазҿлымҳау зегьы рзы цаԥхоуп", - иҳәеит Џьапуа.

Нарҭдырреи адәынтәи афольклорҭҵаареи рцентр аҿы рашәара 6 рзы ашәҟә ҿыц "Аԥсуа фольклор аизгаразы азҵааранҵа" аӡыргара ҟалоит.

Азҵааранҵа аԥҵара ахшыҩҵак итәуп, редакторсгьы дамоуп афилологиатә ҭҵаарадыррақәа рдоктор З.Џь. Џьапуа. Аус адырулеит, еиқәдыршәеит С.О. Ҳаџьым, Н.С. Барцыц. Апроект нагӡоуп Адунеизегьтәи аԥсуа-абаза конгресс ахантәаҩы Мусса Екзеков напхгара зиҭо аиҿкаара "Алашареи" Аԥсны Аҭҵаарадыррақәа ракадемиеи еицынарыгӡо Апрограмма "Абазақәеи аԥсуааи: абызшәақәа реиқәырхареи аҭоурыхтә-культуратә ҭынхеи" аҳәаақәа ирҭагӡаны.

Шәазыӡырҩы арадио Sputnik Аԥсны аефир.

Ихадоу атемақәа