13:26 15 Абҵара 2019
Ишиашоу ицо аефир
  • USD63.89
  • EUR70.41
Астан Аристава
© Foto / предоставлено Астаном Аристава

Арсҭаа еиҭеиҳәеит Ауадҳара аԥсшьаразы аҭагылазаашьа зеиԥшроу

Арадио
Икьаҿу ахьарԥш аиура
29 0 0

Риҵатәи амилаҭтә парк аҟны Ауадҳара аԥсшьарҭа иахылаԥшуа Асҭан Арсҭаа Sputnik аефир аҟны еиҭеиҳәеит сынтәа ԥсшьара инеиуа шрыдыркыло, иҟало аҿыҵрақәа ртәы.

"Аԥхын аныиаслак аимахра ҳалагоит адәахьы иҟоу аӡымҩангагақәа, афымцалашара, ахәыҷқәа рыхәмарырҭа ахыбрақәа, аанда. Урҭ зегьы иахьа еиҭашақәҳаргылоит, зегь раасҭа аџьабаагьы ахарџьгьы ацуп. Ҵыԥх хыбрақәак ҟаҳҵеит, ԥшь-еихагылакны иҟоу асасааирҭа агәарԥ ҳарԥшӡеит, аҵиаақәа, ашьац еиҭаҳҳаит. Иахьазы аԥсшьарҭаҟны быжьҩык аус ҳуеит: ҩыџьа ахьчаҩцәа, аӡәӡәаҩы, аԥссаҩцәа. Риҵантәи ҳара ҳҟынӡа 14 километра бжьоуп, машьынала уаауазар 40-45 минуҭ амҩа уқәхоит, аӡын ашьҭахь макьана иуашәшәыроуп амҩа, иаҳрыцқьараны ҳаҟоуп, абӷанҷ ықәҳаԥсоит", - ҳәа адырра ҟаиҵеит Арсҭаа.

Шәазыӡырҩы аудио. Иаҳа инарҭбаау аицәажәара шәаҳар шәылшоит арадио Sputnik Аԥсны аефир аҟны.

 

Ихадоу атемақәа