21:52 19 Рашәара 2019
Ишиашоу ицо аефир
  • USD63.98
  • EUR71.64
Џьон Партанаӡе
© Foto / предоставлено Джоном Партанадзе

Партанаӡе еиҭеиҳәеит Чечентәыла аицлабрақәа рҟны ҳаиқәԥаҩцәа шықәгылаз

Арадио
Икьаҿу ахьарԥш аиура
30 0 0

Зых иақәиҭу аиқәԥаразы Аацы ақыҭа иҟоу аҟәша азыҟаҵаҩ Џьон Партанаӡе арадио Sputnik аҟны еиҭеиҳәеит Чечентәыла имҩаԥысыз аицлабрақәа рҟны ҳаспортсмецәа қәыԥшцәа иаадырԥшыз аихьӡарақәа ртәы.

"Ҳаԥсадгьыл иқәынхо аҷқәынцәа зегьы аспорт бзиа ирбо иҟалааит. Чечентәылантәи ҳхынҳәиижьҭеи ҩымш ҵуеит. Патула ҳрыдыркылеит. Аҟәрышь ҳамазҭгьы? хәҩык иреиҳаны аҷкәынцәа ҳгон. Ҳарԥарцәа иаҳгаз ибзианы рхы аадырԥшит. Урҭ рыбжьара иҟан сара иазыҟасҵо аацаа рыҷкәынцәа, иара убас Гәдоуҭатәи аспорт школ ааӡамҭацәа. Иахьнеиз ҳадмырԥхашьеит. Иаҳгаз ахәыҷқәа 2006-2007  иара убас 2010-2011 шықәсқәа рзы ииз роуп. Аиҵбацәа рҟынтәи аҩбатәи аҭыԥ ааникылеит 24 кьыла иҟаз рыбжьара Данаҭ Партанаӡе. 2006-2007 шықәсқәа рзы ииз рыбжьара актәи аҭыԥ игеит Алан Гьерзмаа, азыҟаҵаҩыс димоуп Адам Цәеиба. Иара убас Даниил Ԥлиагьы дықәгылеит, уигьы дазыҟазҵо Адам иоуп. 38 кьыла иҟоу рыбжьара актәи аҭыԥ игеит сааӡамҭа Ренат Цыгәба, 52 кьыла иҟоу рҟны аҩбатәи аҭыԥ игеит иазыҟасҵо Алим Аргәын. Абасала, ахьтәы медалқәа ҩбеи араӡынқәа ҩбеи ааҳгеит", - иҳәеит Партанаӡе.

Шәазыӡырҩы аудио. Иаҳа инарҭбаау анҵамҭа шәаҳар шәылшоит арадио Sputnik Аԥсны аефир аҟны.

 

Ихадоу атемақәа