Амҷба: абгақәа рықәхра аус Очамчыра араион аҿы еиҭа иацҵахоит
"Алҵшәа бзиа ҳнаҭеит аҳәынҭқарра иабзоураны еиҿкааз аус, аҟәрышьгьы азоужьын. Хыԥхьаӡарала 180-190 хы рҟынӡа ҳраион аҿы абгалаџқәа шьын, инырҵәаз абга дуқәа ыҟан. Уажәы абна еималеит, ашәаԥыџьаԥ рацәахеит аҟнытә, аус аамҭала иаанкылоуп, аха анаҩс еиҭа иацҵахоит, абри атәы азыӡбан аилацәажәараҿы. Ари аҵак ду амоуп анхацәа рзы - арахә, аԥсаса ԥырхага ду анаҭоит. Лассы-лассы иаҳзасуеит, иҳарҳәоит абгалаџ арахә шахәыз, мамзаргьы ишафаз. Ари ахәшәтәра даара ицәгьоуп, иҟоуп ҳанахәо, иҟоуп ҳанамыхәогьы. Агыгшәыгқәа ачымазарақәа рацәаны ирылоуп, урҭ еиҭаргар рылшоит. Даара ашәарҭара рацәаны иацуп", – ҳәа азгәеиҭеит Амҷба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
