01:03 21 Ԥхынгәы 2019
Ишиашоу ицо аефир
  • USD62.87
  • EUR70.79
Сариа Кәарцхьиаԥҳа
© Sputnik / Томас Тхайцук

Кәарцхьиаԥҳа: Хәаԥ аԥсуа ҵасқәеи ажәытә маҭәарқәеи ирхәышҭаараны избеит

Арадио
Икьаҿу ахьарԥш аиура
18 0 0

Sputnik акорреспондент Сариа Кәарцхьиаԥҳа анҵамҭақәа рыҟаҵаразы Хәаԥ ақыҭан аус луан. Уаҟа лара дзыршынхаз, насгьы ари ақыҭа егьырҭ изларылукаар алшо атәы арадиоефир аҿы еиҭалҳәеит.

"Хәаԥ аԥсуа қыҭа, иахьа уажәраанӡагьы уа еиқәханы иҟоуп аԥсуа ҵасқәа, ақьабзқәа, ажәытәын иҟарҵоз, рхы иадырхәоз амаҭәарқәа. Хәаԥ уи аԥхьагьы снеихьан, уа сыуацәа нхоит, аха ас еиԥшҵәҟьа сыздыруамызт. Ҳара Занҭариаа ргәараҭа ҳаҭааит. Аԥшәма Роланд ԥсыуа маҭәала иҽеилаҳәан даҳԥылеит. Иара иныҟәигоит ахҭырԥа, идыруеит уи еиуеиԥшым аҿаҳәашьагьы. Зынӡа ирҳәоит 12 хкы ыҟоуп ҳәа, дара зегьы ҵакык-ҵакык рымоуп. Роланд аԥхьа ԥшьҿаҳәашьак ауп издыруа ҳәа ҳаиҳәеит, аха анаҩс урҭ ҳарбара даналага, ааба рҟынӡа днеит. Ахҭырԥа аҿаҳәашьа иазку аматериал уажәазы аус адулара саҿуп, уи аинтерес зызцәырнагаз зегьы Sputnik адаҟьаҿы иаԥхьар рылшоит", - лҳәеит Кәарцхьиаԥҳа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.    

Ихадоу атемақәа