"Раԥхьа ампыл ҳрыцасуан ҭаҭарсҭанаа, 3-0 ҳәа аиааира ҳгеит, анаҩс "Черноморец" – Новороссииск. Агәыԥ даара иӷәӷәан, аха ҳара иҳалшеит ампыл аҭаршәра. Иара атурнир аҿгьы ҳара ҳашьҭахь, аҩбатәи аҭыԥ ргеит. Еиҭа ҳрыцыхәмаруан краснодараа, уи ахәмарраҿы ҩмпылк аҭаршәра ҳалшеит. Ҳкоманда атурнир аҿы иргәаԥхеит, ԥхынгәымзазы ааԥхьара ҳамоуп Шәача имҩаԥысуа аҽеизгарақза рахь", - ҳәа азгәеиҭеит Багаҭелиа.
Ашьапылапыл азыҟаҵаҩ иажәақәа рыла ахәыҷқәеи иареи аилыибакаара рымоуп.
"2012 шықәса рзы еизызгеит ари агәыԥ, 2004 шықәса рзы ииз, убри аахыс разыҟаҵара саҿуп. Раԥхьатәи ҳтурнир Анапа имҩаԥаагеит, ақәҿиара бзиагьы ааҳарԥшит. Убри аахыс ахәыҷқәа рус аинтерес ркит, аиааира агьама хаахеит", - иҳәеит Багаҭелиа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
