11:01 19 Абҵара 2019
Ишиашоу ицо аефир
  • USD63.75
  • EUR70.53
Беслан Дбар
© Sputnik / Томас Тхайцук

Дбар "Ахьышьҭрахь - 2019" азы: ахәыҷқәа рџьынџь ԥсадгьыл ргәы иҭымҵәо иаанхароуп

Арадио
Икьаҿу ахьарԥш аиура
24 0 0

Арепатриациазы аминистр Беслан Дбар арадио Sputnik аефир аҟны еиҭеиҳәеит атәым ҳәынҭқаррақәа рҟны инхо ҳџьынџьуаа хәыҷқәа рзы сынтәа аԥхынтәи алагер Аԥсны ишеиҿкаау.

"Аԥсадгьыл ахь ахынҳәразы аминистрра апроектқәа руак ала ԥхынгәы 1 инаркны 9-нӡа Ҭырқәтәыла, Иорданиа, Шьамтәыла инхо ҳџьынџьуаа рхәыҷқәа ааԥхьара рыҭан аԥхын ԥсшьарамшқәа рабдуцәа, урҭ рабацәа рыԥсадгьыл аҟны ирхыргарц. Апроект хьӡыс иаҳҭеит "Ахьышьҭрахь 2019" ҳәа. Ари апроект иаҵанакуеит 80-ҩык рҟынӡа ахәыҷқәа. Акзаҵәык ҳгәы иалоу Шьамтәылантәи ахәыҷқәа аара рцәыуадаҩхан изымааит. Аԥсны иреиӷьу атуристтә ҭыԥқәа ҳәа иҟоу зегьы ахәыҷқәа идырбахоит, иара убас ара инхо рықәлацәеи дареи еицырзеиԥшу афлешмоб ҳәа акы еиҿкаахоит. Ари инарҭбаау проектуп, ахәыҷқәа даара ишыргәаԥхо агәра ганы сыҟоуп", - ҳәа азгәеиҭеит Дбар.

Ҭырқәтәылантәи Аԥсныҟа ԥсшьара ҳәа иааит 50-ҩык ҳџьынџьуаа хәыҷқәа

Иаҳа инеиҵыху анҵамҭа  шәаҳар шәылшоит арадио Sputnik Аԥсны аефир аҟны.

Ихадоу атемақәа