Аҳауагәаҭаҩ Лариса Ахԥҳа арадио Sputnik Аԥсны аефир аҿы еиҭалҳәеит иааиуа амшқәа рзы аҳауатә ҭагылазаашьа аҽшеиҭанакуа атәы.
"Аҳауа акыр аҽаԥсахуеит, ақәа леиуеит. Зны акыр еизаданы, нас ақәыршҩы, адыд-мацәыс ацны. Иааиуа аҳауа хьшәашәа иахҟьаны аԥшагьы акыр аҽырӷәӷәар алшоит, бжьаратәла секундк ала хԥа-ааба метра рҟынӡа, аха ҭыԥқәак рҿы аҽарӷәӷәар алшоит 15 метра рҟынӡа. Ақәа Аԥсны иахьабалак ҳазыԥшуп, иааилымгаӡакәа ҳәа макьана иҳазҳәом, ус Урыстәылаҟа ауп иахьыҟоу", - ҳәа азгәалҭеит Ахԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Урыстәыла Аҳәынҭқарратә дума адепутат Константин Затулин, Аԥсны ахада иалхраан Аԥсныҟа иааз, ареспублика аполитикатә мчрақәа зегьы аҭынчра аадырԥшырц аҳәара ҟаиҵеит.
Москва ақалақь аҿы Аԥсны ахада иалхразы абжьыҭара мҩаԥысуеит еилагарада, аҭагылазаашьа аԥхарра аҵоуп. Аҭыԥ аҿы хылаԥшра руеит Аԥсны ААР аусзуҩцәеи москватәи аполициа ахаҭарнакцәеи.
Аԥсны ахада иалхразы абжьыҭара хацыркхеит амҽыша, нанҳәа 25 ашьыжь асааҭ 8:00 рзы. 50-ҩык инарзынаԥшуа жәларбжьаратәи анаԥшыҩцәа алхрақәа рымҩаԥысшьа иашьклаԥшраны иҟоуп.
