14:18 29 Лаҵара 2020
Ишиашоу ицо аефир
  • USD71.10
  • EUR78.26

Ҷыҭанаа еиҭеиҳәеит Ҟарачы-Черкесиа абаза жәлар рыхәмаррақәа шымҩаԥысыз атәы

Арадио
Икьаҿу ахьарԥш аиура
58 0 0

Афбатәи акультура-спорттә фестиваль "Абаза" Ҟарачы-Черкесиа ишымҩаԥысыз, насгьы иарбан еихьӡарақәоу жәлар рыхәмаррақәа рҿы Аԥснынтә ахаҭарнакцәа иаадырԥшыз ртәы арадио Sputnik иазеиҭеиҳәеит Ҟарачы-Черкесиа ицаз ҳгәыԥ иалоу Аинар Ҷыҭанаа.

Ҷыҭанаа еиҭеиҳәеит Ҟарачы-Черкесиа абаза жәлар рыхәмаррақәа шымҩаԥысыз атәы

"Ельбурган ҳара ҳнеит ашьыжь. Ақыҭа ауааԥсыра амилаҭтә маҭәала рҽеилаҳәа-рҽеилаца, амилаҭтә чыс рнапы иқәыргаланы иаҳԥылеит. Уа шәаҳәарахеит, кәашарахеит, анаҩс ауп ахәмаррақәа анхацыркха. Аҿар еицлабуан ашьапылампыл, анапылампыл, амаҭәар хьанҭақәа рышьҭыхра, аҩраҿы уҳәа убас. Ахыци ахәымпали рыла ахысраҿы ҳделегациа ахаҭарнак ихы изаамырԥшит. Егьыс ҳаихьӡарақәа ртәы ҳҳәозар, ҳаспортсменцәа-аҭыԥҳацәа рҟнытә анапылампыл асразы актәи аҭыԥ ааныркылеит, ашьапыламыл асыҩцәа хәмаруан, аха урҭ афиналбжатә хәмарраҿы ирықәымҿиеит аҟнытә, аԥхьахәтә ҭыԥқәа рыда иаанхеит. Дартс захьӡу ахәмарраҿы аҷкәынцәа реицлабраҿы аҩбатәи аҭыԥ ааникылеит Адам Кациа, иара убас аӡӷабцәагьы еицлабуан ари аспорт хкала, уаҟа аиааира лгеит Емира Еныкьԥҳа. Аспорт хәмаррақәа зегьы рзы аицлабрақәа анхыркәшаха, еиҿкаан аныҳәатә концерт", - еиҭеиҳәоит Ҷыҭанаа.    

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

Ихадоу атемақәа