02:21 18 Нанҳәа 2019
Ишиашоу ицо аефир
  • USD66.00
  • EUR73.22

Ашәԥҳа Франциа ашоура иазкны: иазыԥшын, излауаз рҽазыҟарҵеит

Арадио
Икьаҿу ахьарԥш аиура
33 0 0

Франциа инхо ҳџьынџьуаҩ Алина Ашәԥҳа арадио Sputnik аҟны еиҭалҳәеит уи атәылаҟны ашоурақәа шырхырго.

"80-90 шықәса рҟынӡа инеихьоу изларҳәо ала, ас еиԥш ашоура рымбацызт. 2003 шықәсазы ашоура ыҟан, усҟан 35-40 градус рҟынӡа ихалеит иазыԥшӡамкәа. Уажәы адырра ыҟан, ашоура иазыԥшын аҟынтә иаҳа ԥсыхәа ахьынӡамаз рҽазыҟарҵеит. Аҩнеихагылақәа рҟны инхо Аԥсны еиԥш архьшәашәагақәа аахәаны ирзықәыргылаӡом. Насгьы иаҭахуп ҳәа ргәы иаанагомызт. Иацы Париж 42 бжаки градус ыҟан адәахьы, аҩны аҩнуҵаҟа 30 градус ҳаман.

Адәқьан дуқәа рҟны ахьшәашәара ахьыҟоу ауаа рхәыҷқәа рыманы ицоит, уаҟа аҭыԥқәа еиҿкаауп. Акинотеатрқәа рҟны, атрансорт аҟны зегьынџьара аполициа аусзуҩцәа, аҳақьымцәа ҷаԥшьоит. Арадио ала иааҟәымҵӡакәа алаҳәарақәа ҟарҵоит аӡы шыржәша, аволонтиорцәа абыргцәа аӡы рзыргоит. Убасгьы хәыда-ԥсада аӡы ршоит ауаа рацәа ахьыҟоу аҭыԥқәа рҿы, авокзалқәа рҿы", - лҳәеит Ашәԥҳа.

Инеиҵыху анҵамҭа шәазыӡырҩы арадио Sputnik Аԥсны аефир аҟны.

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    24
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    151
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50