02:07 18 Нанҳәа 2019
Ишиашоу ицо аефир
  • USD66.00
  • EUR73.22
Алхас Жиба
© Sputnik / Томас Тхайцук

Жьиба "Ахьӡ архынҳәразы": аҿарацәа ирдыруазароуп рабдуцәа ирхыргаз, ирлахьынҵахаз

Арадио
Икьаҿу ахьарԥш аиура
31 0 0

Аԥсны атәылахьчара аминистрра иатәу Аҟәатәи иреиҳаӡоу азеиԥшдҵаҟаҵаратә ҵараиурҭа аиҳабы Алхас Жьиба арадио Sputnik аҟны иҳәеит Аџьынџьтәылатә еибашьра Ду аҟны ибжьаӡыз рҭоурыхқәа шьақәыргыланы аҿарацәа ирзеиҭаҳәалатәуп, ааӡаратә ҵакы змоу апроект иацҵалатәуп ҳәа.

"Иахьазы 170-ҩык инареиҳаны аибашьраан иҭахаз, хабарда ибжьаӡыз ирыдҳәалоу ашәҟәқәа рҭаацәарақәа ираҳҭоит. Аԥхьаҟа ари аус аҟны иҟаҵатәу рацәоуп, акурсантцәа уи иацырҵоит. Хышықәса раахыижьҭеи апроект аус ауеит, хабарда ибжьаӡыз рҭаацәагьы рхала иаҳзаауа иалагеит, уи аӡбахә шьҭа ирдыруеит. Рҭынхацәа рыхьыӡ, рыжәла ҳарҳәоит. Апроект анапхгаҩы урҭ ирыдҳәалоу ашәҟәқәа архивқәа рҿы иԥшаауеит. Аамҭа аныҟоу акурсантцәа ақыҭақәа ирҭаауеит, шьапыла ацара анрықәшәогьы ыҟоуп, аҩнаҭақәа ирҭаауеит ахабарқәа ртәы аазырԥшуа ашәҟәқәа аҭаацәарақәа ирырҭарц", - иҳәеит Жьиба.

Апроект "Ахьӡ архынҳәра" Аԥсны Аџьынџьтәылатә еибашьраан хабарда ибжьаӡыз аибашьцәа ирлахьынҵахаз аилкаара, ашьақәыргылара иазкуп. Апроект напхгара аиҭоит Григори Скворцов, ацхыраара ирҭоит Аԥсны атәылахьчара аминистрра иатәу Аҟәатәи иреиҳаӡоу азеиԥшдҵаҟаҵаратә ҵараиурҭа акурсантцәа. Апроект Аԥсны аус ауеижьҭеи хышықәса ҵуеит.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    24
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    149
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50