02:31 18 Нанҳәа 2019
Ишиашоу ицо аефир
  • USD66.00
  • EUR73.22
© Foto / из личного архива Нонны Делба

Делԥҳа аҵаҩцәа еицырзеиԥшу ашәҵатәы азы: ашколтә ԥсҭазаарахь иаҳа ихьанарԥшуеит

Арадио
Икьаҿу ахьарԥш аиура
117 0 0

Аҟәатәи актәи абжьаратә школ аиҳабы Нонна Делԥҳа арадио Sputnik аефир аҟны илҳәеит рышкол иҭоу аҵаҩцәа рышәҵатәы аҟны аԥсахрақәа алагалахо ус иаанхо.

Ашкол аиҳабы лгәаанагарала  зегьы ирзеиԥшу ашәҵатәы аҵаҩцәа иаҳа еиҿнакаауеит.

"Шықәсык аԥхьа аҵара аминистр иқәҵарала Аԥсны ашколхәыҷқәа зегьы рзы ихымԥадатәины иҟалеит ашколтә шәҵатәы. Аҭаацәа агәынамӡара змаз рацәаҩын, аха ахәыҷқәа аиҳараӡаҩык ус еиԥш амаҭәа рышәҵаны иаауан. Ашколтә форма шҳамоу иаанхоит, иахьынӡаздыруа аҭаацәа уи иашьҭоуп. Хаҭала ҳара ҳашкол атәы ҳҳәозар ашәҵатәы аиаҵәа ԥшшәы змоу, аӡахышьа рхатә гәаԥхарала иалырхуеит. Акьаҿ шкәакәа, еиқәароу аҟаԥшь ԥшшәы змоу ахәыдхаҵа. Сынтәа аминистрра ахәыҷы рацәа змоу насгьы рацәак алшара змам аҭаацәарақәа рыцхраара хықәкыс иҟаҵаны ашколтә шәҵатәы  рзыршоит, ҳҵаҩцәа рҟынтәи 51-ҩык хәыда-ԥсада ироуеит. Абжеиҳараҩык уи ргахьеит, изымгац нанҳәа ҩажәа нахыс ирыҭахоит. Ас еиԥш ашәҵатәы ахәыҷқәа ирнаалоит, еиҿнакаауеит, ашколтә ԥсҭазаарахь иаҳа ихьанарԥшуеит", - лҳәеит Делԥҳа.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

 

 

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    24
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    151
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50