16:58 24 Нанҳәа 2019
Ишиашоу ицо аефир
  • USD65.60
  • EUR72.62
Иашба Артур
© Sputnik

Артур Иашба: сҭоурых анеилыскаа нахыс, сыцәа тәамызт

Арадио
Икьаҿу ахьарԥш аиура
13320

Ҳџьынџьуаҩ Артур Иашба ааигәа Аԥсны анхарҭаҭыԥ иоуит. Иара иабдуцәа Ԥсҳәынтәи ихцаны иргаз рхылҵшьҭрақәа дреиуоуп. Артур Нхыҵ-Кавказынтә Аԥсныҟа иаара шыҟалаз атәы арадио Sputnik аефир аҿы еиҭеиҳәеит.

"Арра санырга узмилаҭузеи ҳәа иансазҵаауаз сабазоуп сҳәон. Аха сабдуцәа-ҳабацәа ҳаԥсыуаап ҳәа акәын ишырҳәоз, аха уи ҳхашҭит ҳара. Дара ҳаԥсыуаа цқьақәоуп ҳәа акәын ишырҳәоз, ҳара ҳеиҳа аԥсуа цқьа дыҟам ҳәа азгәарҭон. Арратә санааи, аҭоурых еилыскаауа салагеит. Ҳадгьылқәа абаҟоу, ҳабдуцәа рабацәа рыдгьыл абаҟоу, рнышәынҭрақәа абаҟоу. Уи зегьы анудырлак, ирхыргаз агәаҟра атәы анеилукаалак, иахганы ишыргоз атәы, аибашьра ишалагылаз атәы, уи зегьы гәыкала-ԥсыкала иуго уаналагалак, уахьыҟазаалакгьы, Аԥсныҟа иухоит. Уи еснагь ухы иҭазаауеит. Уахынлагьы-ҽынлагьы уагьзыцәом", - ҳәа еиҭеиҳәеит Иашба.

Артур игәалаиршәеит раԥхьаӡа акәны Аԥсныҟа иаара шыҟалаз атәы. 

"Сыбналаны сабдуцәа рыдгьыл аҿы сааит. Уи 2011 шықәса рзы ауп ианыҟалаз. Аҳәаа санахысуаз, автобус сақәтәан. Сшьацәкьарақәа рҟынтә сшьа шуа ахалара иалагеит. Сшьамхаҟынӡа ианааи, урҭ аҵысра иалагеит, ус сгәы аҟынӡа иааӡеит, сгәы ҭыҵны ицо иалагеит, усҟан уи сгәышԥы иҭыԥоз џьысшьеит. Снапқәа ракәзар, аҵысра иалагеит. Сшоура халаны схы ианас, сылаӷырӡқәа аара иалагеит, ашьхақәа амшын анызба сыҩнуҵҟала ацәҳара салагеит. Сабик еиԥш ақьызқьыз ҳәа сҵәыуан. Ара саннаи ауп ианеилыскаа аҩны закәу, аԥсадгьыл закәу", - ҳәа еиҭеиҳәеит Иашба.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Ихадоу атемақәа