23:53 16 Цәыббра 2019
Ишиашоу ицо аефир
  • USD63.83
  • EUR70.67
Октаи Ҷкотуа
© Sputnik / Томас Тхайцук

Ҷкотуа ҳџьынџьуаа аибашьраан Аԥсныҟа рааразы: ахыԥхьаӡара акәмызт аус злаз

Арадио
Икьаҿу ахьарԥш аиура
10810

Нанҳәа 15 рзы Аԥсны иазгәарҭоит Хатәгәаԥхарала иеибашьуаз имш. Убри инадҳәаланы аҳәаанырцә инхо ҳџьынџьуаа аибашьраан рыԥсадгьыл ахьчараз раара шыҟалаз, насгьы уи ажәабжь шрыдыркылаз иазкны арадио Sputnik Аԥсны аефир аҿы ҳиҿцәажәеит аиҭагаҩ, ауаажәларратә усзуҩ Октаи Ҷкотуа.

"Сыԥсы ҭанаҵы исҳәалоит, Гьиурбиуз Ҭарба Аԥсны ауниверситет дҭан, дыздыруа рацәаҩуп, иан д-Хьециаԥҳауп, днасыдгылан ус салҳәеит: Гьиурбиуз имаҭәақәа еидыскылеит, дышәхашәмыршҭын ҳәа. Иара дхәыҷуп, харантәгьы абџьар имбаӡацт анысҳәа, "аамҭа аныбзиаз уа дыҟазҭгьы, уажәгьы ижәлар дрылагылазароуп. Ҳажәлар ԥсыр - дыԥсып, инхар - дынхап. Иахьа дынзымца, уаҵәы Аԥсны ԥхыӡла абара азин исҭом" ҳәа салҳәеит. Абри иахьысҳәогьы схәы-сжьы еилагылоит. Усҟан ари зегьы џьасшьон, аха иахьа саназхәыцуа сгәы дууп абас еиԥш иҟаз ҳажәлар рзы", - иҳәеит Ҷкотуа. 

Зегь реиҳа ихадаз уи аамҭаз амҩа аартра акәын ҳәа азгәеиҭеит аиҭагаҩ аиҿцәажәараҿы.

"Аибашьра иалагоит, ацхыраара аҭахуп ҳәа Ҭырқәтәылаҟа санырышьҭуаз, Арӡынба дсазҵааит "шаҟаҩ аарыда адиаспора аҟынтә" ҳәа. Азныказ исҳәара сҿамшәо саанхеит, нас 50-ҩык ҳәа иаасҿыҵҟьеит. Дызхагылаз астол дасны, "ҳаиааизшәа иԥхьаӡа" иҳәеит. Усҟан исзеилымкааит ииҳәаз иаҵанакуаз. Аибашьра иалаганы 33-ҩык ҳанааи, еилыскааит зықьҩыла иааргьы аӡә дааргьы ак шакәыз. Ихадараз - амҩа аартра акәын, аимадара иалагар акәын", - еиҭеиҳәеит Ҷкотуа.        

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа