07:19 08 Мшаԥы 2020
Ишиашоу ицо аефир
  • USD75.46
  • EUR82.01

Ҟаитан: археологиатә маҭәарқәа еснагь иҿыцу ак уарҳәоит

Арадио
Икьаҿу ахьарԥш аиура
42 0 0

Ари амчыбжь азы иазгәарҭон археолог имш. Арыцхә инадҳәаланы арадио Sputnik Аԥсны аефир аҿы дыҟан археолог қәыԥш Шандор Ҟаитан. Аҭоурыхтә факультет аҿы зҵара хзыркәшаз арԥыс археологиахь дышнеиз атәы еиҭеиҳәеит.

Хра злоу ахҭысқәа: Ҟаитан археологиа иазкны

"Аҭоурыхтә факультет аҿы аҵара санҭаз еиуеиԥшым аҭҵаарақәа ҳаман. Стема абаақәа ирызкын, еиҳарак сара аинтерес сыман Аԥсуа Баагәара ду аҭҵааразы. Аспирантура санҭалоз ҭҵаарадырратә напхгаҩыс дсырҭеит Олег Бӷажәба, иаргьы исыдигалеит Аԥсуа Баагәара атема. Аҭҵаарақәа рҿы сара игәасҭеит аҩыратә ҭоурыхтә хыҵхырҭақәа шмаҷу атәы. Аҩыратә хыҵхырҭақәа анмаҷу ухы иаурхәароуп археологиатә. Уи азы археологиа нап асыркит. Еиуеиԥшым абаҟақәа иаҳа-иаҳа иҭуҵаацыԥхьаӡа, иуоуа аматериалқәа ақәра иаҳа иааигәаны иуанаҳәоит, археологиатә материал цәажәоит, аҩыратә хыҵхырҭақәа реиԥш", - ҳәа азгәеиҭеит Ҟаитан.

Аҩыратә хыҵхырҭақәа иҿыцу аинформациа ҳанаҭаӡом, археологиатә материал еснагь иҿыцу ак уанаҳәоит, иара убриалагьы аԥсуа аҭоурых арбеиоит, убри ауп бзиа ибаны сзалагаз археологиа ҳәа азгәеиҭеит Ҟаитан аиҿцәажәараҿы.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа