Кәарцхьиа еиҭеиҳәеит Гәдоуҭа араион аҿы америкатәи аԥарԥалыкь ишаҿагылоу
"Аҳәынҭқарра аҟынтә ахәшәқәа хауеит, ауаа рбаҳчақәа рыхәшәтәра иаҿуп, атракторқәа ԥшьба аус руеит. Шьыжьаахыс ауаа агәаран иқәгылоуп атракторқәа роурцаз. Шәгектарк рҟынӡа ақалақьтә баҳчақәеи ауаажәларатә ҭыԥқәеи ахәшәқәа рықәаҳҭәахьеит. Араион аҿы апальмақәа зфоз ахәаҷеи, апти, америкатәи аԥараԥалакьи ҳаркит, дара зегьы аамҭак-аамҭак рымоуп ахәшәтәразы. Америкатәи аԥарԥалыкь акәзар, ихьшәаны ахәшәтәра ҳалагеит. Уажәшьҭа даара рҽырцәахуеит, иара акәтаӷь аҵаны ассақәа анаацәырҵ аамҭазы ахәшәтәра мҩаԥгазар иаҳа анырра анаҭон. Ашоура ишьақәгылазгьы рыҿиара иацхраауеит акәымзар, иаԥырхагаӡам", - ҳәа азгәеиҭеит Кәарцхьиа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
