02:12 21 Абҵара 2019
Ишиашоу ицо аефир
  • USD64.02
  • EUR70.85
Никита Габниа
© Sputnik / Томас Тхайцук

Габниа еиҭеиҳәеит амшын аҟны ауаа рыԥсы шеиқәдырхаз

Арадио
Икьаҿу ахьарԥш аиура
17 0 0

Арҭ амшқәа рзы Гагра араион Лӡаа ақыҭа азааигәара амшын аҟны амашәыр иақәшәаз ҩыџьа Узбекистан атәылауаа рыԥсы еиқәырхан. Уи рылшеит Аԥсны Аҭагылазаашьа ҷыдақәа рминистрра иатәу, зышәагаа маҷу аӷбақәа хылаԥшра рызҭо аҳәынҭқарратә инспекциа алеитенант Никита Габниа иҩызцәеи иареи. Арадио Sputnik Аԥсны аефир аҟны Никита Габниа еиҭеиҳәеит амшын иагоз ауаа шеиқәдырхаз.

"Ахҭыс ҽынла асааҭ 14:00 рзеиԥш иҟалеит. Амшын аҟәараҟны агәаҭаратә ныҟәара мҩаԥаагон, избанзар ацәқәырԥақәа дуун уи аҽны. Уа Пицунда иахьаҵанакуаз ауаҩы даҳцәыԥсхьан амшын аҟны. Амилициа аганахьала иаҳтәу аинспектор ҭелла дысзасны исеиҳәеит ауаа аҟәараҟынтәи километрак аҟынӡа амшын ишагаз. Сҩызцәа Ҳаџьараҭ Хышбеи Рустам Агрбеи сыцны ҳнеит, схала урҭ реиқәырхара сылшомызт. Зегь раасҭа иуадаҩыз - ацәқәырԥа ахьдууз аҟынтә амшын ахь аскутер, ашхәа аӡәгьы инеимгаӡеит. Ҳаҩны аҟәара ҳанықәла аԥсыӡкцәа рышхәа хәыҷы ҳбеит, иҳаҳаны ҳаннеи, жәабаҟа минуҭ ҵит, ауаа наҟ Мысра аганахьала амшын иагон. Дара акатамаран иақәтәаны ицеит аҟәараҟны аӡәгьы иамҳәаӡакәа, ҳаннеи, уи ӡыла иҭәхьан азганк ӡааҟәрылон, аԥша ӷәӷәа иаманы ицон. Ҳрыцхрааны изықәтәаз ҳагәҭасны иаанаҳкылеит, ашхәахь иҭартәаны, хәыҷы-хәыҷла аҟәараҟынӡа ҳнеит", - иҳәеит Габниа.

Иара иазгәеиҭеит ауаҩра злоу дарбанзаалакгьы аӡәы иԥсы еиқәирхартә дыҟазар, уи шыҟаиҵо, аха убри аан иҳәеит амшын аҟны ауаҩы иԥсҭазаара аиқәырхара аԥҟарақәа шамоу. Уи ззымдыруа, излымшо ихатә ԥсҭазаара ашәарҭара иҭаиргылоит.

Иара убас шәаԥхьар ҟалоит:

Ихадоу атемақәа

  • Быжьшықәса зхыҵуа Сабина Ԥачлиаԥҳа диижьҭеи асколиоз лымоуп. Лыбӷашшара, лвакьыцқәа, иааизакны лгәышԥы зегьы рформақәа рҽеиҭаркуеит, уи азы лгәышԥы иаҵанакуа ацәеижьхәҭақәа зегьы иахьрыхәҭоу аҭыԥ аҿы иҟаӡам. Ахәыҷы лчымазара иаиааир зылшо аоперациа заҵәык ауп.

    10
  • Валери Бганба

    Аԥыза-министр Валери Бганба абҵара 7 рзы адҵа инапы аҵеиҩит 2019 шықәса абҵара 20 рҟынӡа аоптимизациа иаҵанакуа ачынуаа рсиа рхианы аоптимизациа иахьырԥшны аԥаразоужьра ахышәаҵышәа ҿыцқәа шьақәыргылазарц.

    10
  • Аԥсны Аҭагылазаашьа ҷыдақәа рминистрра аусзуҩцәеи Урыстәыла АҶА авиациа ҷыдеи ареспублика ашьхарақәа иахьрыԥну амцарцәара иаҿуп. Абҵара 19 рзы ахәылбыҽха адырра ҟарҵеит Кәыдрытәи аҩхааҿы амца ырцәоуп ҳәа.

    8