Ҭарба "Кавказ" агастрольқәа рзы: ҳааԥсара ҳанмырԥшкәа, ҳақәгылоит
"Агастрольқәа мҩаԥысуеит ибзиан. Нововоронеж ҳақәгылеит, уажәы Курск ҳаҟоуп. Ахәаԥшцәа даара ибзиан иаҳԥылоит, гәахәарыла. Аконцерт ахәаԥшра инеиуа еиҳарак атомтә станциақәа рҿы аус зуа роуп, урҭ рахьынтә иҟоуп ҳҟазара атәы здыруа, избахьоу. Дара ҳконцерт рҽақәдыршәоит, ибжьарыжьыр рҭахым. Ансамбль автобуслоуп ишыҟоу, ақалақьқәа рыбжьара амҩа хароуп, аха ҳаргьы ҳааԥсара ҳанмырԥшкәа ҳақәгылоит, ибзиан ҳазыҟаҵоуп. Иааизакны 50-ҩык ҳаицуп. Қалақьцыԥхьаӡа ҳԥа-ԥшьба сааҭ аҽазыҟаҵарақәа ҟаҵаны, ҳҽаршны аконцерт ахь ҳнеиуеит. Ақалақьқәа жәба рҿы ҳақәгыларан ҳаҟоуп аамҭала ҳгастрольқәа жьҭаара 15-нӡа имҩаԥыслоит", - ҳәа еиҭеиҳәеит Ҭарба.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
