04:28 24 Жьҭаара 2019
Ишиашоу ицо аефир
  • USD63.80
  • EUR70.96
Батал Табагуа
© Sputnik / Томас Тхайцук

Табаӷәуа: "Аҳәынҭқарра ахада иалхрақәа рзы" азакәан ахәҭа ԥсахуп, аха ахшыҩҵак аанхеит

Арадио
Икьаҿу ахьарԥш аиура
23 0 0

"Аԥсны Аҳәынҭқарра ахада иалхрақәа рзы" азакәан 19 ахәҭаҷ иазааҭгылан адырраҭара "Коӷониаԥҳа лымҩаду" аҿы. Аԥсны Жәлар Реизара адепутат Баҭал Табаӷәуа иазгәеиҭеит азакәан аҿы иԥсахыз ахәҭақәа шраку, ахшыҩҵак- шаанхаз.

"Ҳара мшаԥы 4 рзы азакәан ҳмыԥсахӡеит, ҳара иҳаԥсахит ахәҭақәа, иара азакәан аҿы ишыҟаз ахшыҩҵак аанхеит. Уаанӡа апрезидент даналырхуаз, ирҵәаӷәон ирҭахымыз, ирҭахыз даанрыжьуан. Уажәы -ирҭаху дадырбоит. "Аӡәгьы дысҭахӡам" 2004 шықәса раахыс иҟоуп. Актәи атур аҟны абжьқәа зегьы иаалаҵаны зегьы иреиҳаны иоуроуп. Аҿагылара иаанаго, уара узы рыбжьы зымҭииз ауп. Уажәы адырга ықәҳаргылоит, аха уигьы иаанаго егьырҭ уара иуҿагылоу абжьқәа роуп" - ҳәа азгәеиҭеит Ҭабаӷәуа.

Инарҭбаан адырраҭара "Коӷониаԥҳа лымҩаду" шәызыӡырҩыр ҟалоит арадио Sputnik Аԥсны аефир асааҭ 18:00 рзы.

Ихадоу атемақәа