"Аҟәа – уи Аԥсны абжоуп. Мрагыларатәи афронт уахгьы-ҽынгьы аӷа иҿагылан. Шьоукы ргәы иаанагон Аҟәа угар, Аԥсны ҭарцәхоит ҳәа. Усҟан ус ҳара ҳхәыцуамызт. Жәеизамшы иеибашьуаз аибашьцәа даара иааԥсаны иҟан, аха Владислав Арӡынба ажәлар зегьы дрызхәыцуан. Аҟәа ахақәиҭтәра ашьҭахь иҳамаз аизараҿы иара идаагылеит Кьалашәыр аӡаҿы аангылара, аибашьцәа рыԥсы еиҭаркырцаз. Аха иара зынӡаск ихахьы иааимгеит, дагьҳақәыҳҳәеит, "уаҵәыҵәҟьа ашамҭаз шәдықәлароуп, уа ҳаибашьцәа рышьра иаҿуп, напыла аӷа иҿагылоуп" ҳәа ҳаиҳәеит. Зынӡаск имариазаарын ҳаԥхьаҟа ишьҭаз амҩа, аха ҳара иҳаздыруамызт. Адырҩаҽны шьыбжьон ҳарқәа Кәыдры ацҳаҿы еиқәшәеит. Убасҟан ауп сара агәра анызга ирласны аиааира шаҳгоз. Аҟәа анҭарцәха аиааирагьы ҳгеит ҳәа сгәы иаанагомызт", - ҳәа еиҭеиҳәеит Кобахьиа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
