11:24 02 Ԥхынгәы 2020
Ишиашоу ицо аефир
  • USD70.44
  • EUR79.19

Ҳашыг аурыс журналистцәа Аԥсны рыпресс-тур азы: иманшәалоу, ҳаԥхьаҟа иҵегьы ирҿиатәу усуп

Арадио
Икьаҿу ахьарԥш аиура
2110

Аԥсны Ажурналистцәа реидгыла ахантәаҩы Руслан Ҳашыг арадио Sputnik аефир аҟны еиҭеиҳәеит Урыстәыла амассатә информациатә хархәагақәа ҳтәылаҟны ирзеиҿкаау апресс-тур аҵакы атәы.

Урыстәыла арегионалтә амассатә информациатә хархәагақәа ҩажәа рнапхгаҩцәа Аԥсны апресс-тур рзеиҿнакааит Акурортқәеи атуризми рзы аминистрра. Ажурналистцәа Аԥсны рыҟазаара иалагӡаны еилыркаауеит ҳҭоурых, ҳкультура, иара убас акурорттә аобиектқәеи аҭыԥ ԥшӡарақәеи ирҭаауеит.

Хра злоу ахҭысқәа: Ҳашыг аурыс журналистцәа Аԥсны рыпресс-тур иазкны

"Аԥсныҟа иахьа ԥсшьара иаауа ҳаԥсҭазаашьа, ҳабзазара, ҳбиуџьет ахь шаҟа аԥара алагалахо уҳәа ирныԥшуеит. Аминистрра еиҿнакааз аныҟәара зхылҿиааз Москва ааԥын имҩаԥгаз ацәыргақәҵаҟны уажәтәи агәыԥ иалахәу ажурналистцәа руаӡәк иҟалҵаз ажәалагалоуп. Урыстәыла ду еиуеиԥшым арегионқәа рҟынтәи Аԥсны иаҭааит зтираж ҳараку, ҳаҭыр зқәу аҭыжьымҭақәа. Ас еиԥш иҟоу аҭыжьымҭақәа аамҭак ала ҳтәылаҟны  реицыҟазааара акырӡа аҵанакуеит. Урыстәыла аҳәынҭқарратә афедералтә массатә информациатә хархәагақәа рҟны ари аҩыза аҟазшьа змоу аусурақәа реиҿкаара акыр иуадаҩуп, ишиашоу аӡыргара аҟаҵара ахәԥса рацәоуп. Атәылаҿацәқәа рҟны ас еиԥш аинформациатә хархәагақәа иаҳа аԥхьаҩ, азыӡырҩы изааигәоуп, иаҳа рыгәра игоит. Сгәаанаарала, Аԥсны Акурортқәеи атуризми рминистрра иалырхыз ари иманшәалоу, ҳаԥхьаҟа иҵегьы ирҿиатәу мҩоуп", - иҳәеит Ҳашыг.

Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ихадоу атемақәа