06:37 14 Абҵара 2019
Ишиашоу ицо аефир
  • USD64.20
  • EUR70.67
Гәыгәыца Џьыкырԥҳа
© Sputnik / Томас Тхайцук

Џьыкырԥҳа еиҭалҳәеит аибашьраан иҭахаз Гәдоу аӡнырцәаа ирызку лышәҟә ҿыц атәы

Арадио
Икьаҿу ахьарԥш аиура
15 0 0

Сергеи Дбар ихьӡ зху Аԥсны Аџьынџьтәылатә еибашьра аҳәынҭқарратә музеи афондқәа реиҳабы Гәыгәыца Џьыкырԥҳа арадио Sputnik Аԥсны аефир аҿы еиҭалҳәеит иҭахаз Гәдоу аӡнырцә инхоз аибашьцәа ирызкны иҭлыжьыз лышәҟәы ианылаз аҭоурыхқәа шеизылгаз.

Ашәҟәы ианылеит Гәдоуҭа ақалақь Гәдоу аӡнырцә инхоз ахԥатәи ажәыларатә баталион еиднакылоз, иҭахаз аибашьцәа 52-ҩык рҭоурыхқәа.

"Марттәи ажәылараан ирацәаҩны иҭахеит Гәдоу аӡнырцә инхоз арԥарцәа. Аибашьра анеилга ашьҭахь иҭахаз ранацәа ианысҵаз рацәаҩуп, аха рыцҳарас иҟалаз, иахьанӡа зыԥсы ҭаны иаанхаз маҷуп. 52-ҩык аԥсадгьыл ахьчаҩцәа рҟынтәи иҟоуп ҩыџьа-ҩыџьа ахьҭахаз аҭаацәарақәа. Урҭ рхыԥхьаӡараҟны иҟоуп Агәмаақәа, Ниазбеи Барцыц, Маџьыҭ Гьерзмаа, Владимир Дасаниа рԥацәа. 2005 шықәсазы абри ашәҟәы аҭыҵразы ишьҭан, аха еиуеиԥшм аҭагылазаашьақәа ирыхҟьаны ус иаанханы иҟан", - лҳәеит Џьыкырԥҳа.

Шәазыӡырҩы аудио. Инеиҵыху анҵамҭа шәазыӡырҩыр шәылшоит арадио Sputnik Аԥсны аефир аҟны.

Ихадоу атемақәа