Микрофон  - Sputnik Аҧсны
Арадио

Амҷыԥҳа: даара уаҵашьыцратә иҟоуп ажәлар еиуеиԥшым ақалақьқәа рҿы аԥсабара шырыхьчо

© Фото : страница Хиблы Амичба в FacebookХьыбла Амҷыԥҳа
Хьыбла Амҷыԥҳа - Sputnik Аҧсны
Анапаҵаҩра
Германиа иҟоу Аԥсны ахаҭарнак Хьыбла Амҷыԥҳа арадио Sputnik Аԥсны аефир аҿы еиҭалҳәеит "Иҟәышу акалақь аҿы аиҭанеиааиразы жәларбжьаратәи адиалог" захьӡу аконференциа лалахәхара атәы.
Амҷыԥҳа: даара уаҵашьыцыртә иҟоуп ажәлар еиуеиԥшым ақалақьқәа рҿы аԥсабара шырыхьчо

"Изласылшоз ала аинформациа рысҭеит ҳреспублика закәу, иахьыҟоу, иааркьаҿны аҭоурых ҳалацәажәеит. 2500 шықәса инареиҳаны иахыҵуеит ҳәа анысҳәа, даара аинтерес рызцәырнагеит. Аконференциа иалахәыз ақалақьқәа рҟнытә иара зегьы иреиҳабын. Ҳара ираҳҳәеит ҳақалақь аиӷьтәразы аинтерес шҳамоу. Иҿыцу атехнологиақәа, атранспорттә система аиҿкааразы, иахьатәи аамҭа иақәшәартә еиԥш рыҟаҵаразы Аԥсныҟа ишнаҳаԥхьо атәы ҳҳәеит. Ас еиԥш аконференциақәа рҿы аимадара ҿыцқәа ҳауеит. Ирантәи ахаҭарнак, аинновациатә технологиақәа зхы иазырхәо Азиатәи ақалақьқәа реидгыла дахагылоуп, иҟаҵоуп ажәалагала Аԥсны уи ассоциациа иалаҵазарц. Доусы иара иқалақь аҿырԥштәала еиҭеиҳәеит атранспорттә система аҽшеиҭанакуаз. Даара уаҵашьыцыртә иҟоуп ажәлар рықалақь ахьчаразы амҩадуқәа рахь ицәырҵны ргәаанагара ахьырҳәо. Атранспорттә система аргылара ԥырхага анамҭозароуп аԥсабара", - ҳәа еиҭалҳәеит Амҷыԥҳа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0