18:19 24 Ажьырныҳәа 2020
Ишиашоу ицо аефир
  • USD61.80
  • EUR68.29

Смыр аӡынтәи аԥсшьаразы: иуҭаауа аныҳәатә гәалаҟара иуҭароуп агәашә данҭала инаркны

Арадио
Икьаҿу ахьарԥш аиура
26 0 0

Афон ҿыц ақалақь аҟны иҟоу аԥсшьарҭаҩны SVK аиҳабы Витали Смыр арадио Sputnik аефир аҟны еиҭеиҳәеит аӡынтәи аныҳәақәа рышҽырзыҟарҵо.

 

"Ҳазыԥшуп Ашықәс ҽыц азгьы аԥсшьаҩцәа ҳзаап ҳәа. Иахьазы ԥсшьара иҳадҵаалахьоу ртәы ҳҳәозар, 30 процент рҟынӡа ыҟоуп. Ари ахыԥхьаӡара еиҵахо, мамазаргьы еиҳахо атәы аҳәара макьана иуадаҩуп. Ҳара ҳҽазыҟаҳҵоит урҭ рыдкылара. Ашықәс ҿыц аныҳәа ауха аишәа рызҳархиоит, уи азы дара аԥара ршәоит. Егьыс асасааирҭа ахьӡала руадақәа рҟны аԥсуа ҩы, амандарина уҳәа ҳамҭас ираҳҭоит. Иахьа хәыҷык ауаҩы игәы иаахәо ҟаумҵар, аиндаҭлара рацәоуп, даҽаџьара дцоит, иаҳа иахьеиӷьу аҳәынҭқаррақәа иԥшаауеит. Уажәшьҭа 3-4 шықәса ҵуеит абри Ашықәс ҿыц азы ԥсшьара иаауеижьҭеи ҳа ҳахь. Урҭ рыбжьара иҟоуп ҩынтә-хынтә иаҳзаахьоу, ҳадкылашьа рдыруеит. Ауаҩы иузаауа аныҳәатә гәалаҟазаара иуҭароуп агәашә данынҭала инаркны", - ҳәа азгәеиҭеит Смыр.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

 

Ихадоу атемақәа