Ԥхынҷкәын 25 рзы 40 шықәса ҵуеит Афганистанҟа асовет арбџьарымчқәа аларгалеижьҭеи.
"1985 шықәсазы Тҟәарчалынтәи арра сыргеит, Ашхабад аҽазыҟаҵарақәа ҳархыжьны, Афганистанҟа ҳдәықәырҵеит. Аррамаҵзура схыганы сааит сҭаацәа Афганистан сшыҟаз рзымдыркәа. Асалам шәҟәқәа сыҩуан Монголиа сыҟазшәа. Шықәсыки аамзи сыҟан уа. Аибашьыгатә машьына ныҟәысцон, зны уи ала аминагьы сахаԥжәеит. Агоспиталь аҟны ҩба-хԥа сааҭ сыҟан, анаҩс ҩаԥхьа сыргеит абригада злахәыз аоперациа ахьымҩаԥысуаз аҭыԥахь. Аԥснынтәи бригадак аҟны арра исыцын Џьумбер Бениа, Ибрагим Емир-оӷлы. Адгәыр Габниа днаргеит арра маҵзура салгарц хымз шсыгыз… Афганистан аибашьраҟны иҳауз аԥышәа ҳаибашьраҟны ихәарҭахеит", - иҳәеит Шьанаа.
Асовет ар Афганистан иаларгалеит 1979 шықәса ԥхынҷкәын 25 рзы, иалыргеит 1989 шықәса жәабран 15 рзы. Аибашьра ахьынӡацоз жәа-шықәса ирылагӡаны 14 нызқьҩык асовет еибашьцәа ҭахеит. Аԥснынтәи 300-ҩык инареиҳаны Афганистанҟа аррамаҵзура рхыргарц ишьҭын, урҭ рахьтә13-ҩык уи аибашьраҟны иҭахеит.
Инеиҵыху анҵамҭа шәазыӡырҩыр шәылшоит арадио Sputnik Аԥсны аефир аҟны.
