"Аибашьра ашьҭахь инаркны иахьа уажәраанӡа аӡымҩангагатә цәаҳәақәа ахьажәыз иахҟьаны, имаҷымкәа ауадаҩрақәа ҳаман. 2017 шықәса рзы аинвестпрограммала ишьҭаҵан ҿыц аӡымҩангагақәа, аха уи аус аҵыхәанӡа иҟаҵаӡам, избанзар ҩ-етапкны ишан. Актәи аетап аусурақәа хыркәшоуп, аҩбатәи макьана иаламгацт. Уи иалагӡаны аӡымҩангага хада аҟынтә амҩадуқәа рахь атрубақәа шьҭаҵатәуп. Уажәы ахьҭақәа аныҟаз аамҭазы, аԥшасра ӷәӷәа ашьҭахь, имаҷымкәа аӡымҩангагақәа иахьԥжәаз ҟалеит. Уи адагьы анасостә станциа хадаҿы аӡҭарчыга аусура аанкылан, аха ҩымш рыла излалшоз ала аусурақәа мҩаԥган, ақалақь аҿы аӡы ҟалартә еиԥш алшара ҟаҵан. Иара убас аинвестпрограмма инақәыршәаны аҵыхәтәантәи ашықәсқәа рзы иҳауит апассаџьыртә транспорт маҷымкәа. Ауааԥсыра рымҩангаразы иҳамоуп ҩ-график. Аӡынтәи аамҭаз атранспорт ахыԥхьаӡара иаҳа имаҷуп, аԥхын - еиҳа ирацәаны ауаа анаауа ҳәа даҽа график ыҟоуп. Уажәы аӡын аамҭазы абиуџьеҭ хазырҭәаауаны иҟоу алшарақәа маҷуп, аԥхын акәзар, аҭагылазаашьа иаҳа еиӷьхоит, аԥсшьаҩцәа раара иабзоураны", - ҳәа иҳәеит Џьениа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Гагра абжеиҳара ӡыда иаанхеит амотор ахьыԥҽыз иахҟьаны
-
Џьениа Гагра арыцқьаратә усурақәа рымҩаԥгаразы: аԥхын ҳнапы ахьымнаӡаз- ҳарҽеиуеит
