15:11 07 Ԥхынгәы 2020
Ишиашоу ицо аефир
  • USD72.17
  • EUR81.47

Џьопуа ахәыҷтәы хәышәтәырҭа ҿыц аусуразы: акадрқәа рызҵаара иахьоуп ианыӡбатәу

Арадио
Икьаҿу ахьарԥш аиура
23 0 0

Ахәыҷтәы хәышәтәырҭа ҿыц Аҟәа идыргылоит 2022 шықәсанӡа Аинвестпрограмма аҳәаақәа ирҭагӡаны. Уи ҟалоит ареспубликатә хәышәтәырҭа аҵакыраҿы, ахәышәтәырҭатә қалақь иахәҭакны, абри атәы арадио Sputnik Аԥсны аефир аҿы иҳәеит Ахәыҷтәы хәышәтәырҭа аҳақьым хада Игор Џьопуа.

 

Џьопуа ахәыҷтәы хәышәтәырҭа ҿыц аусуразы: акадрқәа рызҵаара иахьоуп ианыӡбатәу

"Иахьатәи амш азы ҳаиқәшәаӡам кадрла, амаруга ҿыцқәа аус рыдызуло думазароуп. Убри аганахьала иҟоу апроблема аҳарбахьеит Агәабзиарахьчара аминистрра аҿаԥхьеи, Аминистрцәа Реилазаара аҿаԥхьеи. Избанзар, иаҳзааӡо ааӡатәуп, егьырҭ зыда ԥсыхәа ҳамам иааганы абра аус дыруны, иаҳдырҵартә еиԥш иаҭахуп. Амедицинатә маруга ҿыцқәа рхала аус руӡом, урҭ аус адызуло дамазароуп. Иахьа уажәраанӡагьы иалагатәын ари аус, убригьы ҳацклаԥшуеит, аус адулара ҳаҿуп. Ҳгәы иаанагоит ахәыҷтәы хәышәтәырҭа ҿыц аныҟалалак, ауаҩы иаҳа игәы ацԥыҳәаны аус иулап ҳәа, Аԥсны иалҵны Урыстәыла аус зуа, иааны ара аусура иалагап ҳәа. Аха зегьы зыхҟьо аҟәрышь ауп. Аҳәынҭқарра ҳацырхыраан ҳҳақьымцәа рдыррақәа еизырҳатәуп, убас ҳгәы иҭоуп", - ҳәа еиҭеиҳәеит Џьопуа.        

 

Инеиҵыху аиҿцәажәара шәазыӡырҩы арадио Sputnik Аԥсны аефир аҿы. 

Ахәыҷтәы хәышәтәырҭа ҿыц аргылара алагалара азгәаҭоуп 2021 шықәса рзы. Иара ҟалоит ԥшь-еихагылакны. Иазгәаҭоуп аҟәшақәа хәба: ареанимациатә, аԥҟарҭатә, атравмоталогиа, ҿыц ииз ахәыҷқәа рыҟәша, иара убас асоматикатә ҟәша.       

Иара убас шәаԥхьар ҟалоит:

Ихадоу атемақәа