16:31 05 Ԥхынгәы 2020
Ишиашоу ицо аефир
  • USD70.50
  • EUR79.22

Аиурист Габуниа: анонимтә ҟазшьа змоу агитациа - еилагароуп

Арадио
Икьаҿу ахьарԥш аиура
Аԥсны ахада иалхрақәа -2020 (125)
75 0 0

Аиурист Гьаргь Габуниа арадио Sputnik Аԥсны аефир аҿы иҳәеит Аԥсны ахада иалхрақәа азакәан аҿы ишарбам агитациа амҩаԥгаразы аԥҟарақәа.

Аиурист Габуниа: анонимтә ҟазшьа змоу агитациа - еилагароуп

"Агитациа аԥҟарақәа ртәы ануп ажәбатәи ахәҭаҷ Аԥсны ахада иалхрақәа ирызку азакәан аҟны, аха убра иарбам алхыҩцәа рыбжьы аахәара атәы ҳәа. Ауаҩы алхаратә комиссиа кандидатк иаҳасабала иҭагалара ақәҵара имчыданы иҟауҵар алшоит Иреиҳаӡоу аӡбарҭа ақәҵарала, иаҳҳәап акандидат, мамзаргьы иара зыгәра иго ауаа рҟынтә ауаа рыбжьқәа аахәара афакт шьақәырӷәӷәазар. Иаҳхысыз алхрақәа раан агәақьҳәа акаҭран ықәдырҭәон, убри аан алхрақәа мышқәак шагу ус еиԥш имҩаԥго аусурақәа алхыҩ ибжьы аахәара иаҵанакуеит. Усҟан Иреиҳаӡоу аусбарҭа ус еиԥш иҟоу аусуқәа иагьхацдмыркит. Иахьазы макьана сазыхиам аилагарақәа иҟоу иҟаму аҳәара, аха иарбанзаалак акьыԥхь аҿы акандидатцәа ирызкны адыррақәа анонимтә ҟазшьа аҭаны аҟаҵара ииашам, иҟалом, убри аан асоциалтә ҳақәа рҿы иуԥылоит ирацәаны агитациатә ҟазшьа змоу аматериалқәа зхы-зҿы ҵәаху ауаа рҟынтә", - ҳәа еиҭеиҳәеит Габуниа.    

Аԥсны ахада иеиҭалхра мҩаԥысраны иҟоуп хәажәкыра 22 рзы. Ахадаси ахада ихаҭыԥуаҩыси ркандидатурақәа ықәгылоуп: Адгур Арӡынба - Арда Ашәба, Аслан Бжьаниа - Бадра Гунба, Леонид Ӡаԥшьба -Виктора Ҳашба.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы. 

Атемақәа:
Аԥсны ахада иалхрақәа -2020 (125)

Ихадоу атемақәа