Микрофон  - Sputnik Аҧсны
Арадио

Кәарҷиа афестиваль "Аԥхьарца" азы: ҳхықәкы наӡеит

© Sputnik / Томас ТхайцукНури Кәарҷиа
Нури Кәарҷиа - Sputnik Аҧсны
Анапаҵаҩра
Жәлар рарҳәагақәа роркестрқәа рфестиваль "Аԥхьарца" шымҩаԥысуа атәы арадио Sputnik аефир аҟны еиҭеихәеит Кортуа ихьӡ зху Жәлар рырҿиара ареспубликатә центр аиҳабы Нури Кәарҷиа.
Кәарҷиа афестиваль "Аԥхьарца" азы: ҳхықәкы наӡеит

"Афестиваль инеиԥынкыланы жәашықәса имҩаԥаагоит, хықәкы хадасгьы иҳамоу жәлар рмузыка арҳәагақәа реиҭарҿыцра, ажәлар рыларҵәара, агәыбылра дыркра, жәлар рмузыка аизҳара ацхраара ауп. Уаҩы игәеиҭаратәы дыҟоуп шықәсык аасҭа егьи ашықәс азы агәыԥқәа шахаҵгыло, ррепертуар шдырҭбаауа, иҿыцу аԥҵамҭақәа шадырҳәо. Ари даара агәахәара ҳнаҭоит, ҳхықәкы наӡеит ҳәа ҳҳәар ҳалшоит", - иҳәеит Кәарҷиа.

Аԥсны иҟоу аоркестрқәа рнаҩс афестиваль рхы аладырхәуеит ашаԥсыӷи аҟабарда оркестрқәеи. Афестиваль мҩаԥысуеит иахьа Аԥснытәи аҳәынҭқарратә филармониаҟны асааҭ 18 рзы, аҩналара хәыда-ԥсадоуп.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0