13:04 02 Мшаԥы 2020
Ишиашоу ицо аефир
  • USD77.73
  • EUR85.74

Аԥшьлааԥҳа еиҭалҳәеит акоронавирус иахҟьаны аҳәаа ахыҵразы аамҭалатәи аԥкрақәа ртәы

Арадио
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (173)
35 0 0

Аԥсны Адәныҟатәи аусқәа рминистр ицхырааҩ Милана Аԥшьлааԥҳа арадио Sputnik аефир аҟны еиҭалҳәеит акоронавирустә чымазара иахҟьаны Аԥсны аҳәаа ахыҵразы аамҭалатәи аԥкрақәа шалагалоу.

Аԥшьлааԥҳа еиҭалҳәеит аҳәаа ахыҵразы аамҭалатәи аԥкрақәа ртәы акоронавирус иахҟьаны

"Атәылақәа жәпакы рҟны акоронавирустә инфекциа зыхьуа рхыԥхьаӡара ахьырацәахаз инадҳәаланы Аԥсны Адәныҟатәи аусқәа рминистрра атәыла ауааԥсыра рахь ааԥхьара ҟанаҵеит ачымазара ахьазгәаҭоу аҳәынҭқаррақәа рахь рҭаара мап ацәыркырц. Урҭ рхыԥхьаӡараҿы иҟоуп Китаи, Иран, Италиа, Алада Кореиа, Франциа, Швеицариа, Иапониа, Бырзентәыла, Кырҭтәыла. Аԥсны ахада инапынҵақәа назыгӡо Валери Бганба жәабран 26 рзы ақәҵара инапы аҵаиҩит мшаԥы 7 рҟынӡа Аԥсны аҳәаа иахыҵуа атәым ҳәынҭқаррақәа руааԥсыра авиза зыдгалахо, мамзаргьы амилаҭра змам ауаа ирзынарханы аамҭала аҳәаа рахыҵра азин ыҟаӡам.

Иазгәаҭатәуп, Аԥсны Адәныҟатәи аусқәа рминистрра убасгьы аҳәынҭқарратә мчра аусбарҭақәеи ауаажәларратә еиҿкаарақәеи рахь абжьгара шыҟанаҵо акоронавирус ахьыҟоу атәылақәа рахь аусутә ныҟәарақәа рҽырцәырыхьчарц. Аамҭалатәи аҳәаа ахыҵра иазку аԥкрақәа аус рулоит мшаԥы 7 рҟынӡа, аха урҭ рхыԥхьаӡараҿы иҟаӡам Аԥсни егьырҭ визада аиҭанеиааира ахьыбжьоу атәылақәеи. Урҭ рахь иаҵанакуеит раԥхьа инаргыланы Урыстәыла", - лҳәеит Аԥшьлааԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Атемақәа:
Ачымазара ҿкы – акоронавирус Аԥсни адунеи аҿи: иалкаау (173)

Ихадоу атемақәа