"Уажәы анхара амшқәа рзы ақыҭаҟны иҳамоу атрактор шьақәҳаргылан ацәаӷәарақәа цоит, анаҩс ианахәҭоу алаҵара ҳалагоит. Сынтәа иҟоу ачымазара иахҟьаны (акоронавирус апандемиа - аред.), иубаратәы иҟоуп анхацәа ацәаӷәара зҭаххаз иаҳа ишыҟоу. Ақыҭауаа ирҳәоит хәыҷык рхы ишацхрааша, ауҭрақәа шыҟаҵатәу. Ижәдыруеит 2017 шықәсазы иҟаз аԥжәараан (аџьаԥҳаны аҵәахырҭаҟны аԥжәара –аред.) аҩнқәа аԥырхага роуит. Иҿыцны жәа-ҩнык ргылан, аҩныҵаҟа иаҭахқәаз рзы ацхыраара ҟаҵан, ҩышә инареиҳаны аҩнқәа рҟны аиҭашьақәыргыларатә усурақәа мҩаԥган.
Ҳкыҭаҟны аԥсшьарҭатә ҭыԥқәа ҩба аус руеит, сынтәа ҩышәҩык инареиҳаны аԥсшьаҩцәа ахьрыдыркыло аобиект аартхоит", - иҳәеит Сақаниа.
Убасгьы еиҭеиҳәеит ақыҭаҟны афымцалашареи амҩақәа рҭагылазаашьеи зеиԥшроу атәы.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Приморское ахада аӡыржәтәеизакырҭа анышьақәдыргыло далацәажәеит
