08:54 11 Ԥхынгәы 2020
Ишиашоу ицо аефир
  • USD71.23
  • EUR80.27

Чамагәуа: азакәанқәа ишрыхәҭоу ҳрызныҟәом, урҭ рцәыргара иацу ахьӡ иаҳа ҳашьҭоуп

Арадио
Икьаҿу ахьарԥш аиура
3610

Амаҵзурауааи адепутатцәеи рхашәала ашәҟәы аҭагалара иадҳәалоу азакәан адепутатцәа реилатәараҟны изрыдрымкылаз азы арадио Sputnik аефир аҟны игәаанагара иҳәеит Жәлар Реизара адепутат Леонид Чамагәуа.

Адепутат Чамагәуа: азакәанқәа ишрыхәҭоу ҳрызныҟәом, урҭ рцәыргара иацу ахьӡ иаҳа ҳашьҭоуп

Аԥшьаша рашәара 18 рзы Жәлар Реизара адепутатцәа реилатәараҟны "Амаҵзурауааи адепутатцәеи рхашәала, рныхтәқәа, рмазара, амазаратә ҟазшьа змоу рхыдҵақәеи ашәҟәы аҭагаларазы" азакәан арҽеирақәа аларымгалаӡеит. Ари азакәан ахԥатәи аҵыхәтәантәи аԥхьараҟны ирыдыркылеит жәабран 2020 шықәсазы. Амч аиураны иҟоуп ҳазҭоу ашықәс ԥхынҷкәан 30 рзы, убри аан ари аҿҳәара нҵәаанӡа ирыдыркылароуп аҳәынҭқарратә маҵзуразы азакәан.

"Еиҳараҩык иадымгылаӡеит адепутат Асҭамыр Логәуа иажәалагала ианар акы инаркны ачынуаа ирызку азакәан ҳадҳамкыларгьы, ҳазҭало ашықәс азы адекларациа, хымԥада, ахарҭәаара шаҭаху. Иара азакәан анҳадаҳкылоз ишаӡаз, иагу шыҟазгьы иҳадаҳкылеит. Аԥсахрақәа алаҳгалеит аиашьа, аиаҳәшьа рганахьала, сара уи сазыразӡам. Аиашьа, аиаҳәшьа уара уҭаацәараҿы инхозар, иныҟәугозар - уи даҽа зҵаароуп, аха хазы инхозар, рмал ашәҟәы аҭагалара сақәшаҳаҭым. Сара сақәымшәаӡеит аҽны, аха сколлегацәа ишырҭахымыз бжьыҭарала ирыдыркылеит, уажәшьҭа сахьахәаԥшуа иҳадаҳкылаз азакәан ҳацныҟәар ҳҭахым… Апарламент ахаҭарнакцәа ирыдыркылаз азакәан иацныҟәароуп. Сгәаанагарала, ианар акынӡа ачынуаа ирызку азакәан ҳадаҳкылартә аамҭа ыҟоуп, аха уи азы иаԥҵатәуп акомиссиа, ауаажәлар рҟны пату зқәырҵо ауаа, аиуристцәа алаҵаны", - иҳәеит Чамагәуа.

Иара иазгәеиҭеит азакәанқәа иахәҭоу азнеишьа рымам ҳәа.

"Ҳара иаҳа ахьӡ ҳашьҭазшәа сгәы иаанагоит, уи азы аӡәгьы дысзымгәааит. Абри азҵаара цәырыргеит, иахцәажәоит, аеифориа ҳацныҟәошәа збоит",- иҳәеит Чамагәуа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ихадоу атемақәа