"Ҳазҭагылоу аамҭа убас еиԥш ихәашьуп, уалԥшны уаҵәтәи амш зеиԥшрахо, иаҳзаанаго ауадаҩрақәа еилырганы иҳамаӡам, аха дарбанзаалак азԥхьагәаҭарақәа имазароуп. Иҿкны иҳалалаз ачымазара уаҵәтәи амш азы азԥхьагәаҭарақәа даара иархәашьит. Аԥсныҟа иаауаз аԥсшьаҩцәа рыла ҳхы наҟәаҳгон, ҳәарада, уи цхыраара дуны иҟан иахьа уажәраанӡа. Аха атуризм иацу ашәарҭарақәа ыҟоуп, уи иахьа еилыхха иаабеит. Уаанӡа атуризм аԥара аанагоит ҳәа зегь кажьны, асасааирҭақәеи акрыфарҭақәеи рыргылара ҳаҿын. Уажәы аԥсшьаҩы даныҟамла, зегьы ҭацәхеит, уи абизнес ианыԥшит. Атуризм ала аекономика аргылара ашәарҭара шацу иахьа иаабеит, уи ҳаргьы иазԥхьагәаҳҭахьан. Аԥсны иҟоу аԥсабаратә ҭагылазаашьаҿы зегь реиҳа ашәарҭара зцым ақыҭанхамҩоуп. Анхаҩы иааирыхуеит иара ифатә. Ҳара атуризм иаанагоз ахашәала ала Шәача ҳцаны афатә ааганы, аԥсшьаҩы иҿаҵаны ддәықәаҳҵон. Аарыхра шьаҭас иҟаҵаны аекономика анышьақәургыло, иааурыхуа ара иаанхоит, мамзаргьы анҭыҵ иганы иуҭииуеит. Ҳара иҳауз аԥара ҭыҵны ицон, ара акгьы ҳзынхаӡомызт, ари аҩыза аекономика ишәарҭоу, еиҿкаам, изызхәыцым ауп, аԥеиԥш змам аекономика амҩала ҳаауеит иахьагьы", - ҳәа азгәеиҭеит Дамениа.
Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит:
- Аекономика аминистр Аҳәынҭстатистика аилак аусура иагу азгәалҭеит
-
Кәыбраа аҿкы аекономика ианаҭо анырразы: мызкала еилгар, ҳаиааиуеит
