23:09 21 Цәыббра 2020
Ишиашоу ицо аефир
  • USD76.04
  • EUR90.01

Чамагәуа Владимир Аҩӡба изы: ауаҩы изнеишьа идыруан, дуаҩы аамсҭашәан

Арадио
Икьаҿу ахьарԥш аиура
22 0 0

Ауаажəларратə, аҳəынҭқарратə усзуҩ Владимир Аҩӡба арадио Sputnik Аԥсны аефир аҟны дигәалаиршәеит аус ицзухьаз, изааигәаз ажурналист Витали Чамагәуа.

Чамагәуа Владимир Аҩӡба изы: ауаҩы изнеишьа идыруан, дуаҩы аамсҭашәан

Аԥсны зҽаԥсазтәыз ажурналист, аҭоурыхтә ҭҵаарадыррақәа ркандидат, ауаажәларратәи аҳәынҭқарратәи усзуҩ, Асовет Еидгылеи Аԥсныи ажурналистцәа реидгылақәа рлахәыла Владимир Аҩӡба хынтә Аԥснытәи АССР Иреиҳаӡоу аилак ахь депутатс далырххьан, 20 шықәса Ҭырқәтәылатәи ареспубликаҿы Аԥсны ахаҭарнакс дыҟан, илагала рацәоуп аҳәаанырцә инхо адиаспореи аҭоурыхтә ԥсадгьыли реимадара аус аҟны. Владимир Џьамал-иԥа аҵыхәтәантәи ашықәсқәа рзы аус иуан Аԥсуаҭҵааратә институт аҟны. Ианашьан "Ахьӡ-аԥша" орден ахԥатәи аҩаӡара.

"Ауаа рахь азнеишьа иман, рацәажәашьа идыруан, апартиа аҟны аус иухьан, аԥышәа иман. Уаҩык иаҳасабала игәы разын, ддуун сахьалагьы ҭеиҭԥшлагьы, ауаҩы игәы нхар ҳәа дшәон, даамсҭашәан. Аԥсуаҭҵааратә институт аҟынгьы уажәы аус еицаҳуан, даара аколлектив дырзааигәахеит, дааижьҭеи хԥаҟа шықәса роуп иҵуаз. Иқәра ыҟоуп ҳәа дтәаӡамызт, ашәҟәқәа еиқәиршәон. Иҭижьит Леила Ачба илызкыз ашәҟәы еиҭаганы, Мусҭафа Быҭәба изкны ашәҟәы рхианы ишьҭоуп, насгьы иара амшынҵақәа рацәаны иман, уи уажәы аизгара иаҿуп. Адиаспора рганахьала аԥсуаа ирзеиӷьыз аус даҿын", - иҳәеит Чамагәуа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ихадоу атемақәа