"Аибашьра ашьҭахьтәи ашықәсқәа рзы иҳаҩҳажьыз рацәаҩхеит. Амамзаара ыҟан, ахьҭа ыҟан, абарҭқәа зегьы ҳхәыҷқәа ираҩҳажьуа маҷк иаҳаршьцылазар ҟалап иаармарианы ахәшьарақәа роура. Ҳара асовет система иааӡаз ҳлеишәа, ҳус азыҟазаашьа, ҳҭакԥхықәра еиҳа еиҳаушәа сгәы иабоит. Уажәы 80% ашкол аҿы иҟоу аҿар асовет система анеилаҳа ашьҭахь инеиз роуп. Еиҳарак уахьрыхәаԥшуа аҿар рхы аус адулара рыцәмаҷуп, ауаҩы ихы аус адимулар иарбан университетзаалакгьы, школзаалакгьы инаҭаз изхаӡом. Ҳара ҳахҟьеиԥҟьа ашкол аҿы аҵара зҵаз ҳауп, усҟан ус аҭагылазааашьа ыҟан, аха сара азанааҭ аласхызар, убри аганхьала схы аус иадызулаз, схала еилыскааз рацәоуп. Иахьа ахы аус адулара ҳацәмаҷхеит, иахәҭам аамҭа ақәырӡра ҳалагеит, уи аинтернети ателефони роуп. Аҭаацәа ҿарацәа иахьа хәлаанӡа ахәыҷқәа ирацәажәаӡом, иҭатәоуп аинтернет, уи ахәыҷы инымԥшыр ауӡом. Ари нахысгьы аҭагылазаашьа еицәахар ҳәа сшәоит", - ҳәа азгәалҭеит Ҳалбад.
Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит:
- Џьынџьалԥҳа ААУ абитуриентцәа ԥышәарада рыдкыларазы: еиҿцәажәарала иҳадаҳкылахьазгьы ыҟан
