21:13 21 Цәыббра 2020
Ишиашоу ицо аефир
  • USD76.04
  • EUR90.01

Салаҟаиаԥҳа амаамынааӡарҭа аԥсшьаҩцәа раҭааразы: атурфирма дуқәа макьана ҳаргәалашәаӡом

Арадио
Икьаҿу ахьарԥш аиура
22 0 0

Аексперименталтә патологиеи атерапиеи рыҭҵааратә институт аекскурсиа аҟәша аиҳабы Альдона Салаҟаиаԥҳа арадио Sputnik аефир аҿы еиҭалҳәеит ҳтәылаҿы излагаз атуристтә сезон русура ишаныԥшыз атәы.

Салаҟаиаԥҳа амаамынааӡарҭа аԥсшьаҩцәа раҭааразы: атурфирма дуқәа макьана ҳаргәалашәаӡом

"Нанҳәамза асезон ашымҭа ҳәа иԥхьаӡоуп, аха сынтәа макьана мчыбжьык ауп аус ахьаҳуа, апандемиа даара иаҳныԥшит, ҳара макьана ҳаргәалашәаӡом атурфирма дуқәа аԥсшьаҩцәа еиҿкааны иаазго. Арахь иааиуа зхала зыԥсы зшьо роуп. Ҳбиуџьет ахашәала азҭо еиҳарак еиҿкааны иаауа аекскурсиатә гәыԥқәа роуп. Иаҳа- иаҳа ҳҭагылазаашьа ԥсыҽхоит, уи зыхҟьо ҭаҳҵаауа ҳаналагалак, ауаа ҳанразҵаалак, иҳарҳәоит амҩа акыраамҭа шырцәаго. Ҳмардуан даара иԥшӡаны иҟаҵоуп, ибзиоуп, аха аамҭа рацәа ақәдырӡуеит ауаа. Уажәы хәыҷгьы-дугьы рхы аџьабаа адырбалар рҭахӡам, мардуанла ахалара зҭаху даараӡа имаҷуп. Амҩа акәзар, даара иуашәшәыроуп, амашьына дуқәа халаратә иҟам, иара зхатә машьынала иаауагьы урыцәшәартә иҟоуп", - еиҭалҳәеит Салаҟаиаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа