22:12 26 Цәыббра 2020
Ишиашоу ицо аефир
  • USD76.82
  • EUR89.66

Кәыҵниа: амультфильм "Абраскьыл ифырхаҵара" аҟны ҳаанымгыларц сгәы иҭоуп

Арадио
Икьаҿу ахьарԥш аиура
2610

Асахьаҭыхыҩ, амультфильмқәа раԥҵаҩы Асҭамыр Кәыҵниа арадио Sputnik Аԥсны аефир аҿы еиҭеиҳәеит инеиҵыху аԥсуа мультфильм "Абраскьыл ифырхаҵара" аӡыргара ишазхиоу.

Кәыҵниа: амультфильм "Абрыскьыл ифырхаҵара" аҟны ҳаанымгыларц сгәы иҭоуп

Нанҳәа 27 рзы Аԥсуа ҳәынҭқарратә филармониаҟны иӡыргахоит аԥсышәала иаԥҵоу амультфильм "Абраскьыл ифырхаҵара". Аӡыргара мҩаԥгахоит асааҭ 17:30 рзы. Аҩналара хәыда-ԥсадоуп.

"Амультфильм ҟаҵаны ҳалгеижьҭеи 3-4 мзы ҵуеит шьҭа, уи аԥхьа аӡыргаразы алшара ыҟамызт ахҭысқәа иҟалаз ирыхҟьаны (апандемиа- аред.). Ари инеиҵыху раԥхьатәи проектуп, аџьабаа рацәаны иаман. Араҟа аҟазацәа аҭахуп адунеи аҟны иҟарҵо идуу амульфильмқәа реиԥш уалагозар. Зынӡа иаҳзеиҵымхзаргьы егьырҭ амультфильмқәа иахьреицәам, џьара - џьара еиӷьны иалҵзаргьы ауеит. Амультфильм 17 минуҭ ицоит. 2009 шықәсазы иҭыҵхьаз акомикс Абраскьыл дзықәшәаз хҭыск иааркьаҿны иаҳәоит, уи атәы ззымдыруа ахәыҷқәа еилыркаартә еиԥш амультфильм асиужет иаларгыланы иҟаҳҵеит", - иҳәеит Кәыҵниа.
Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

 

 

 

Ихадоу атемақәа