18:51 25 Абҵара 2020
Ишиашоу ицо аефир
  • USD75.47
  • EUR89.89

Ҳагԥҳа апроект "Амазара" иазкны: аԥсуаа ҳдоуҳатә культура аларҵәара иазкуп

Арадио
Икьаҿу ахьарԥш аиура
9410

Аԥсуа –абаза конгресси жәларбжьаратәи аиҿкаара "Алашареи" еицымҩаԥыргоит аԥсуа-абаза жәлар иматериалтәым рҭынха иазку апроект "Амазара". Уи ахықәкы, изыдҳәалоу атәы арадио Sputnik аефир аҟны еиҭалҳәеит аконгресс аинформациатә портал аредактор Изольда Ҳагԥҳа.

Ҳагԥҳа апроект "Амазара" иазкны: аԥсуаа ҳдоуҳатә ҳкультура аларҵәара иазкуп

Апроект "Амазара" аԥсҭазаара аларҵәаразы ахшыҩҵак изцәырҵит Адунеизегьтәи аԥсуа-абаза жәлар рконгресс аиҳабы Муса Егзакь. Уи хықәкыс иамоуп аԥсуа-абаза жәлар рдоуҳатә культура аларҵәара ҳаамҭазтәи аинтернет-технологиақәа рхархәарала. Апроект ҿыц абаза жәлар ахаҭарнакцәа реиԥш иарбан милаҭзаалак ахаҭарнакцәагьы ҳатрадициатә культура аԥшӡареи аҵаулареи днарбоит, аԥсуа-абаза жәлар ахаҭарнакцәа зегьы аӡәыкны реидкылара иацхраауеит адунеи ҭыԥс иахьынхозаалакгьы.

"Иахьа дарбанзаалак аинтернет аҟны иҭеиҵар алшоит авидеонҵамҭа, аха ибзианы, иԥшӡаны, арежиссура азуны апрофессиналтә техникала иҭыху маҷуп. Шықәсык иалагӡаны Урыстәыла афестивальқәа ҩба-хԥа мҩаԥысуан. Иҳадҵаалон аԥсуа кәашара, ашәаҳәара ахьаарԥшу авидеонҵамҭақәа рзы, аха ҳашьҭалан, иаҳзымԥшааит. Убасҟан еилаҳкааит аԥсуаа ҳмазара, ҳкультура аларҵәара апроблема шҳамоу", - лҳәеит Ҳагԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа