23:10 27 Абҵара 2020
Ишиашоу ицо аефир
  • USD75.86
  • EUR90.46

Гәынба "Акурорт Пицунда" аусура аихшьалазы: ҳарбагақәа маҷуп, аха уигьы ҳаигәырӷьоит

Арадио
Икьаҿу ахьарԥш аиура
29 0 0

Апансионатқәа реидгыла "Акурорт Пицунда" аиҳабы Фрикан Гәынба арадио Sputnik аефир аҿы сынтәатәи атурсезон аихшьаалақәа ҟаиҵеит.

Хра злоу ахҭысқәа: Гәынба "Акурорт Пицунда" асезон аихшьаалақәа ирызкны

"Асезон хыркәшоуп уҳәартә иҟоуп. Ҩымш-хымш рыда иаанханы иҟоу аԥсшьаҩцәа цоит, уи ашьҭахь ҳусура аанаҳкылоит. Сынтәа иҳадаҳкылеит 10 нызқь инареиҳаны аԥсшьаҩцәа, ҵыԥх - 28 нызқь инареиҳаны иҟан. Ԥарала 114 миллион мааҭ рҟынӡа ҳарҳаит, ҵыԥх 400 миллион мааҭ ыҟан. Ҳарбагақәа маҷуп, аха иара уигьы ахьыҟоу ҳаигәырӷьоит, еицәоу умбакәа еиӷьу уздырӡом. Ӡынхәык ҳауртә еиԥш аус аауит. Ҳкурорт аӡын зегьы иныҟәгатәуп, аусзуҩцәа ауалафахәы рыҭатәуп. Иҳауз аҟнытә 25 миллион мааҭ инареиҳаны ашәахтәқәа рахь ицеит. Иаанхазгьы ҳазхаӡом аобиект ҽаанынӡа абаразы. Иара даара идууп. Иааиуа асезонгьы аҽазыҟаҵатәуп, ҳҭагылазаашьа цәгьоуп, аха ҳаицхырааны аӡын ҳӷыҵысып ҳәа ҳгәыӷуеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

Ихадоу атемақәа