Аиба Оҭҳара абылра иақәшәаз аҭаацәара ацхыраара рыҭаразы: акәты иамчу акәтаӷь ҳәа аизгара ҳаҿуп
"Макьана абылра зыхьыз аҭаацәа ацхыраара рыҭаразы иаҭаху ашәҟәқәа реиқәыршәыра ҳаҿуп. Иаарласны атәыла анапхгарахь ишьҭхоит ашәҟәы. Егьыс, абригада 28 ҭӡы ыҟоуп, зегьы ҳааицәажәан "акәты иамчу акәтаӷь" шырҳәо еиԥш, ацхырааразы асиа ҟаҳҵеит. Ампахьшьы, асаан, аҵәцәа уҳәа ирҭаху рацәоуп аҭаацәа. Адәы иқәтәоушәа иаарымаз зегьы амца иалыблит. Иара убас аижәлантәқәагьы еидгыланы ацхыраара аҟаҵара ргәы ишҭоу атәы рҳәеит. Уи адагьы акоммерциатә наплакқәагьы рҟнытә ацхыраара шыҟало азы адырра ҳарҭеит. Убас, Риҵатәи амилаҭтә ҳәарԥсарра аҟнытәгьы ҳазыԥшуп", - ҳәа еиҭеиҳәеит Аиба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
