Микрофон  - Sputnik Аҧсны
Арадио

Гәымԥҳа ашколқәа рҿы аԥкрақәа рыцҵаразы: ҳхәыҷқәа ԥсыхәак рзутәуп, ас цашьа ҟалом

© Foto / из личного архива Мадины ГумбаМадина Гумба
Мадина Гумба - Sputnik Аҧсны
Анапаҵаҩра
Аԥсны акоронавирус аҿкы чымазара аламырҵәаразы иназыцҵоу аԥкрақәа ралагалара иақәшаҳаҭым аҭаацәа Пицунда ақалақь ахадара аԥхьа акциа мҩаԥыргеит. Ҩыџьа ахәыҷқәа ран Мадина Гәымԥҳа арадио Sputnik аефир аҿы еиҭалҳәеит ашколқәа русура аанкылара дшақәшаҳаҭым атәы.
Гәымԥҳа ашколқәа рҿы аԥкрақәа рыцҵаразы: ҳхәыҷқәа ԥсыхәак рзутәуп, ас цашьа амам

"Сыҷкәын аиҵбы аҩбатәи акласс аҿы дтәоуп, ус иахьӡуп ауп. Ачымазара ианалага, ииасыз аҵарашықәс азы, ашкол ҳшалгаз дыруп. Анаҩс аҩбатәи акласс ахь ҳцеит, уи ашьҭахь еиҭа аҩны ҳдыртәеит. Аиашазы, сыҷкәын иахьа изеилкааӡом ашкол иаҵанакуа, иара изы ашкол аҩноуп. Ари аҭагылазаашьа џьара ҳкылнагап ҳәа сгәы иаанагом, избанзар, адистанциатә ҵара сара исзеиҿкаауам, техникала сара сеиқәыршәаӡам. Ҩыџьа ахәыҷқәа рҵара аамҭа еиқәшәом, уи ҳара ҳамарам. Ҩажәа- ҩажәа минуҭ рыла аурок аҟаҵара уи ҵарам, ҳхы ҳжьоит, арҵаҩцәагьы ус. Ҳхәыҷқәа баша иԥхасҭаҳтәуеит ҳәа агәаанагара ҳамоуп, дара аҵара ргәахшәеит, аиашазы. Ахәыҷқәа срыдтәалоуп, аус суӡом, аха сара сымч ақәхоны ҳәа акгьы збом. Ҳҵара аминистрра иазымхәыцит ари апроблема аӡбашьа. Ҳара ҳарҵаҩцәа рхала рҭелқәа аԥара ҭаҵаны рҵаҩцәа ирызнеиуеит. Дареи аҭаацәеи ҳапроблема акакәхеит, убри аҟнытә ҳаизаны џьара акахьы ҳкылсны шьаҿақәак ҳадаҳкылароуп аҵара процесс иацҵаразы, уаҳа ԥсыхәа ыҟаӡам", - ҳәа еиҭалҳәеит Гәымԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ажәабжьқәа зегьы
0