00:33 16 Ажьырныҳәа 2021
Ишиашоу ицо аефир
  • USD73.55
  • EUR89.25

Џьергьениа еиҭеиҳәеит Риҵа аԥсыӡкра азин аҟамзаара аҿҳәара ацҵара зыхҟьаз

Арадио
Икьаҿу ахьарԥш аиура
11 0 0

Риҵатәи амилаҭтә ҳәырԥсарра абна хылаԥшҩы аиҳабы Ҭенгиз Џьергениа арадио Sputnik аефир аҿы еиҭеиҳәеит жьҭаара 25 инаркны ԥхынҷкәын 10-нӡа аԥсыӡқәа ақәырҭ каԥсара ианалаго аамҭазы аԥсыӡкра азин аҟамзаара аҿҳәара ишацҵо атәы.

Џьергьениа: иҟоу аԥхарра иахҟьаны аԥсыӡқәа ақырҭ ҟаҵаны аӡы аҭыҵшьа иақәшәом

"Аԥсыӡкра ԥхынҷкәын 10 рҟынӡа ҳәа азин ыҟамызт. Аԥсыӡкра аамҭа аҽаԥсахит, иҟоу аԥхарра иахҟьаны аԥсыӡ зегьы ҭымҵит. Аамҭа еиҭа иацаҳҵеит, мчыбжьык аҟара. Амза 10-нӡа ҳәа иҳамаз аԥҟара ажәлар ираҳаит, ибзианы уи иацныҟәон. Уажәы еиҭа иаауа иалагеит, аԥҟара шьҭа аус ауӡом ҳәа, аха урҭ идеилҳаркаауеит еиҭа мчыбжьык ишацҵахаз. Амза 10 нахыс абжьааԥны ҳаԥсыӡқәа зегьы ақәырҭ каԥсаны иҭыҵны ицахьан, сынтәа игылоуп, аҭыҵшьа роуам. Ас еиԥш ҳақәымшәацызт уажә аԥхьа. Уаанӡа аԥҟара атәы змаҳацкәа иаақәаз ыҟоуп, аха ҳинспекторцәа ианизеиҭарҳәалак, иҭыҵны ицон. Уажәгьы агәаҭарақәа цоит, агәаҭарҭатә ҭыԥ аҿгьы ауаа адырра рырҭоит, аԥсыӡкразы макьана азин шыҟам", - иҳәеит Џьергьениа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ихадоу атемақәа