01:54 24 Ажьырныҳәа 2021
Ишиашоу ицо аефир
  • USD74.36
  • EUR90.41

Еныкь еиҭеиҳәеит апандемиа аамҭазы Аҿар ртеатри ахәаԥшҩи реимадара шеиԥымҟьаз атәы

Арадио
Икьаҿу ахьарԥш аиура
11 0 0

Аԥсуа ҳәынҭқарратә аҿар ртеатр аиҳабы Аслан Еныкь арадио Sputnik аефир аҟны еиҭеиҳәеит 2020-тәи ашықәс аихшьаалақәа ҟаҵо иазгәеиҭеит апандемиа русура ишаԥырхагахаз, аха ахәаԥшҩи дареи реимадара еиԥымҟьарц асоциалтә ҳақәа рхы ишадырхәо.

Еныкь еиҭеиҳәеит апандемиа аамҭазы Аҿар ртеатри ахәаԥшҩи реимадара шеиԥымҟьаз атәы

"2020- тәи ашықәс азы ҳагәҭакқәа ишаҳҭахыз иаҳзымҩаԥымгеит, аковид чымазара ҿкы иазгәаҭаны иҳамаз абжакы аԥхьнарҟәҟәааит. Ус шакәугьы ҳусура аанаҳамкылеит. Ҳахьӡеит ақәыргыламҭа ҿыц аҭыжьра, уи ажәлар ргәы иахәеит. Артур Лорентс ипиеса "Вестсаидтәи аҭоурых" иалхны иҟаҳҵеит "Амра анҭашәалак". Уи Есма Џьниаԥха режиссиорк иаҳасбаала раԥхьатәи лусумҭоуп. Ахәаԥшцәа ақәыргыламҭа ҿыц ԥшьынтә–хәынтә идҳарбеит, аха ачымазара ҿкы иахҟьаны ҩаԥхьа ҳусура аанкылан. Ҳаицхырааны ҩба-хԥа проект ҳрызхәыцит, асоциалтә ҳақәа ҳхы иархәаны ишиашоу ицо аефирқәа еиҿаҳкаауеит. Ахәаԥшҩи актиори реимадара иазкуп ари апроект, актиорцәа еиуеиԥшым азҵаарақәа рырҭоит. Аиашазы, асҟак азҿлымҳара аиуеит ҳәа сыҟамызт ари апроект. Иара иаҳа иаанартуеит ахәаԥшҩи актиори рыбжьара аизыҟазаашьақәа зеиԥшроу", - иҳәеит Еныкь.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

Ихадоу атемақәа