Микрофон  - Sputnik Аҧсны
Арадио

Ашәарыцаҩ: амцакрақәа абгақәа абна илырцеит, ауаа ахьыхҵәаз аҭыԥқәа рҿы рҽыԥхьаркуеит

© Foto / предоставлено Тенгизом Адлейба Тенгиз Адлейба
Тенгиз Адлейба  - Sputnik Аҧсны
Анапаҵаҩра
Отаԥ ақыҭан инхо ашәарыцаҩ Ҭенгьиз Адлеиба арадио Sputnik аефир аҿы еиҭеиҳәеит абнақәа рҿы иҟаз амцакрақәа рышьҭахь агыгшәыгқәа рхымҩаԥгашьа атәы.
Ашәарыцаҩ: амцакрақәа абгақәа абна илырцеит, ауаа ахьыхҵәаз аҭыԥқәа рҿы рҽыԥхьаркуеит

"Абгақәа қыҭак аҿы ԥырхагак аныҟарҵалак, Арасаӡыхь, Ҷлоу, Ҭхьына уҳәа инхо ашәарыцаҩцәа зегьы еибыҳәаны амҩақәа рызкны, алақәа рыла ҳаицхырааны ҳарзышәарыцоит. Абгақәа рышьҭа аԥшаара даара ицәгьоуп. Абыржәааны агыгшәыг ақыҭақәа рахь, аҿаҩақәа рахь акшара иалагоит. Иаҳа аԥхасҭа ҟарҵо иалагоит. Избанзар, арха иҟоу рырахә аҩны иадырцало иалагоит, афатә анмаҷхалак, ашьхаҟа рҽыԥхьаркырцаз афатә аԥшааразы ҳганахь иаауеит. Сынтәа, зынӡа ааигәа, сгәылацәа аԥсаса рымоуп, ашьамаҟа бзиан ирымоуп, ирылалан рыџьмақәа афеит. Уахынла ауасаҭрақәа ирҭалан иафеит. Амцакрақәа абгақәа абнақәа ирылырцеит, ажәытәан ачаиҭрақәа ахьыҟаз, ауаа ахьыхҵәаз, уажәы абнақәа ахьыҟоу рҽыԥхьаркуеит дара, арха амца анықәырцалак, аҿаҩаҟа еихоит. Ажәытәан ирҳәалон: бгак уахык шә-цуҭак ирхысыр ауеит ҳәа, убысҟак иныҟәоит, насгьы убысҟак иара ахатәы ҳәаа амоуп. Отаԥ ацәгьа уны, Ҭхьына итәар ауеит, уа ацәгьа уны, Ҷлоу ицар ауеит. Ацәгьа ахьауз ахаангьы инкылаӡом. Убри аҟнытә ақыҭақәа рҟынтә ашәарыцаҩцәа зегьы аимадара ҳабжьоуп", - еиҭеиҳәеит Адлеиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ажәабжьқәа зегьы
0