Микрофон  - Sputnik Аҧсны, 1920
Арадио

Ҳаџьымԥҳа аицлабра "Араӡны калам" азы: цәқәырԥак ала аҽышьҭнахит ҳаибашьра атема

© SputnikСаида Хаджимба
Саида Хаджимба - Sputnik Аҧсны, 1920, 08.02.2021
Анапаҵаҩра
Аицлабра "Араӡны калам" аиҿкааҩцәа ируаӡәку Саида Ҳаџьымԥҳа арадио Sputnik аефир аҿы еиҭалҳәеит уи зызку, иззырхоу, насгьы аицлабра мҩаԥысуанаҵы иааџьаршьартә еиԥш иадырбалаз аҭагылазаашьа атәы.
Ҳаџьымԥҳа аицлабра "Араӡны калам" азы: цәқәырԥак ала аҽышьҭнахит ҳаибашьра атема

"Ари алитературатә рҿиамҭақәа раԥҵареи исахьаркны раԥхьареи иазку ҟазаратә еицлаброуп. Иара еиднакылоит асахьаркыратә ажәа занааҭла иаҿымзаргьы, иааџьоушьартә еиԥш аҟыбаҩ злоу ауаа, уи русумҭақәа рцәыргара, ажәакала, асахьаркыратә ажәа абзиабаҩцәа еидызкыло еицлаброуп", - ҳәа еиҭалҳәеит Ҳаџьымԥҳа.

Аицлабрахь аусумҭақәа рыдыркылоит ҩ-бызшәакны - ԥсышәалеи урысшәалеи иҩу. Ақәратә категориақәа х-гәыԥкны иҟоуп: 12 шықәса инаркны 17-нӡа зхыҵуа, 18 инаркны 35-нӡа, анаҩс, 35 инацны изхыҵуа ҳәа лҳәеит Ҳаџьымԥҳа.

"Ҳгәы иаанагон аиҵбыратә абиԥара иаҳа агәаҳәара аадырԥшуеит ҳәа, иаҳа ирацәаҩхоит ҳәа. Аха аиҳабыратә абиԥара ргәацԥыҳәан рхы аладырхәуеит, арзаҳалқәа рацәаны иҳадаҳкылеит, русумҭақәа рацәаны иҳадыргалеит, уимоу, ркьыԥхьра ҳахьымӡо иҳақәрыԥсеит. Цәқәырԥак ала аҽышьҭнахит ҳаибашьра иазку ажәеинраалақәа, агәалашәарақәа. Аҽарҿыцит уи атема", - ҳәа еиҭалҳәеит Ҳаџьымԥҳа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Ажәабжьқәа зегьы
0