10:00 02 Хәажәкыра 2021
Ишиашоу ицо аефир
  • USD74.04
  • EUR89.45

Сурманиӡе Аҟәа амҩақәа акаҭран рықәҵаразы: аӡы иадҳәалоу аусқәа макьана ихыркәшам

Арадио
Икьаҿу ахьарԥш аиура
19 0 0

Аҟәа ақалақь ахада ихаҭыԥуаҩ Авҭандил Сурманиӡе арадио Sputnik аефир аҿы еиҭеиҳәеит аҳҭнықалақь аҿы аӡымҩангагақәа рышьҭаҵара ашьҭахь амҩақәа акаҭран рықәҵара аус аназгәаҭоу.

Раионк аԥсҭазаараҟынтә: Сурманиӡе Аҟәа амҩақәа рҭагылазаашьа иазкны

"Амҩадуқәа рҿы аҭагылазаашьа зеиԥшроу ҳбоит. Ииашоуп, ирлас иҟалар ҳҭахуп, уахьахәаԥшуа ауаҩы игәы иақәшәартә иҟам. Амҩа хадақәа рҿы аӡымҩангагақәа рышьҭаҵара анаҩс, ахатәы ҩнқәеи аҩнеихагылақәеи рахь аӡеихшарҭақәа рҟынтә аӡымҩангагақәа рнагара аус иаҿуп. Ари имариоу усым - ажәқәа ахьамоу зегьы иамхны аҿыцқәа рышьақәыргылара. Аӡы иадҳәалоу аусурақәа анхыркәшахалак ашьҭахь, аобиект зегьы ақалақь ахадара иарҭароуп. Анаҩс џьара ииашамкәа аусқәа ҟалар, ҳара ҳауп рххатәыс изауа. Аусурақәа аҵыхәтәантәи аетап ахь инагоуп, маҷк ауп иаанхаз, аха иаахҵәаны ианхыркәшахо атәы сызҳәом. Акаҭран ақәҵара аус, уи зегь реиҳа имариоу ауп, уи иахьагьы иқәуҵар ауеит, аха аӡы иадҳәалоу аусурақәа макьана инагӡам. Хәыҷык ачҳара аҭахуп, анаҩс зегьы ԥшӡаны иҟалоит", - ҳәа еиҭеиҳәеит Сурманиӡе.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Ихадоу атемақәа