Микрофон  - Sputnik Аҧсны, 1920
Арадио

Хра злоу ахҭысқәа: Амҷба Аҟәа амшцәгьашьҭахьтәи алкаақәа ирызкны

© Sputnik / Томас ТхайцукЗураб Амичба
Зураб Амичба - Sputnik Аҧсны, 1920, 09.07.2021
Анапаҵаҩра
Акыр шықәса Аҟәа акоммуналтә усбарҭа напхгара азызухьаз Зураб Амҷба арадио Sputnik аефир аҿы еиҭеиҳәеит, амшцәгьа ахҟьаԥҟьақәа рырмаҷразы иҟаҵатәны иибо, насгьы иҳәеит аԥшатлакә ашьҭахь алкаақәа рыҟаҵара хымԥадатәны ишиԥхьаӡо.
Хра злоу ахҭысқәа: Амҷба Аҟәа амшцәгьашьҭахьтәи алкаақәа ирызкны

Ақәаршыҩи аԥшатлакәи ирыхҟьаны ахыбрақәа аԥхасҭа роуит, афымцацәаҳәақәа ԥыҵәҵәеит, еиланажьит аҵлақәеи урҭ рымахәқәеи, Аԥсны амҽыша ԥхынгәы 4 рзы.

Иахьа АҶА ҳәа ацхыраара ҟазҵо усҟан ианҳамамызгьы аамҭа ыҟан, усҟан амаругақәагьы иаҳа имаҷны иҳаман, аха ҳусзуҩцәа 24 сааҭ ианмыцәоз аамҭагьы ҳбахьеит ҳәа еиҭеиҳәеит Амҷба.

Сильный ветер в Сухуме повалил деревья и снес крыши домов  - Sputnik Аҧсны, 1920, 05.07.2021
Аҩнқәа хыбдеи лашарадеи иаанхеит: араионқәа рхадацәа аԥшатлакә ахҟьаԥҟьақәа ирзааҭгылеит

"Амшцәгьа ашьҭахь аҭагылазаашьа иунарбоит иаҳа аус зыдулатәу, ахҟьаԥҟьақәа иаҳа имаҷны иҟаларцаз. Сара иахьынӡеилыскаауа ақалақь агәаҿы аӡы ықәымтәауа иҟауҵартә еиԥш аҭагылазаашьа ыҟоуп. Убри аҟынтә аӡцрыҵқәа зегьы ҭганы идәықәызҵо Ешыра аганахь иҟаҵоуп ибзиан, аха алашара аныцәо игылоуп. Амшын ахь ицо аӡцрыҵқәагьы ианахәҭоу ирыцқьалатәуп. Уигьы аус анамуа ауаа аӡы рыҵалоит. Са сгәанала, Џьонуеи Лакобеи рыбжьара игылоу аӡымҩангагақәа рҿы иаҭахуп афымцатә генератор, уи аус аур, абжакы ҭҳәаны иагоит", - иҳәеит Амҷба.

Амҩа аҿықәқәа рҿы игылоу аҵлақәа гәаҭалатәуп, инааны игылоума, амахәҭақәа иҩоу хҵәалатәуп, уи зегьы ирдыруеит аспециалистцәа, иагьыҟарҵоит, ари аҭагылазашьаҿы аӡәы ихароуп ҳәа уҳәар иашаӡам, аха ахҟьаԥҟьа урмаҷыр ҟалоит ҳәа еиҭеиҳәеит Амҷба.

Инеиҵыху аиҿцәажәара шәазыӡырҩыр шәылшоит аудиофаил аҿы.

Ажәабжьқәа зегьы
0