10:18 17 Цәыббра 2021
Ишиашоу ицо аефир
  • USD72.43
  • EUR85.36

Сурманиӡе еиҭеиҳәеит амшцәгьа иахҟьаны аԥхасҭа зауз рызҵаара ахьынӡаҭҵаау атәы

Арадио
Икьаҿу ахьарԥш аиура
21 0 0

Амшцәгьаан ақалақь ауааԥсыра ироуз аԥхасҭеи, урҭ ирыҭахо ацхыраареи атәы арадио Sputnik аефир аҟны еиҭеиҳәеит аҳҭнықалақь ахада ихаҭыԥуаҩ Автандил Сурманиӡе.

Сурманиӡе еиҭеиҳәеит амшцәгьа аан аԥхасҭа зауз рызҵаара ахьынӡаҭҵаау атәы

Ԥхынгәымза раԥхьатәи амшқәа рзы Аԥсны иалсыз аԥшатлакә аԥхаста маҷымкәа ирзыннажьхьан ауаа, уи ахҟьаԥҟьақәа аҵыхәтәанынӡа ирҽеихаанӡа, амза ахыркәшамҭаз илеиз ақәаршҩы аԥхасҭа еиҳангьы иҟанаҵеит Аҟәа, Гәдоуҭа, Очамчыра, ҭыԥқәак алкааны. Иаагозар Аҟәа аӡқәа анхыҵуа, еиҳарак изԥырхахаго Чанба имҩаду аҟны инхо роуп. Амшцәгьа иннажьыз аԥхасҭа ақалақь ахадараҟны ирыԥхьаӡахьома, азарал зауз анхацәа цхыраарас ирзыҟаҵахо атәы арадио Sputnik аефир аҟны дазааҭгылеит Аҟәа ақалакь ахада ихаҭыԥуаҩ Автандил Сурманиӡе.

"Макьана аӡхыҵра иҟанаҵаз аԥхасҭа шьақәыргылаӡам, арзаҳалқәа реизгара иаҿуп аҩнусбарҭақәа рҟны, ашәҟәынҵақәа ҟарҵоит. Басла аӡиас хышықәса-ԥшьышықәа рахьынтә знык идрыцқьоит, алеишәа цәгьоуп, зны-зынла ирыцқьаны ишыҟоугьы ауаа ирыҵалоит, иузеилкааӡом ахы шаанырԥшуа… Аԥыза-министр иахь инаргахьан ашәҟәы, нанҳәамзазы аӡиас иаҳа иантәлак арыцқьаразы, аха иара уи аԥхьа аҽаҟьеит. Аҳәынҭқарра аганахьала ауаа изларылшо ишрыцхраауа агәра ганы сыҟоуп", - иҳәеит Сурманиӡе.

Шәазыӡырҩы аудио.

Ихадоу атемақәа