Микрофон  - Sputnik Аҧсны, 1920
Арадио

Амҷыԥҳа: ачымазараҿкы ҳацәызыхьчо алаҵа ада ԥсыхәа аныҟамла, ҳахшыҩ азыҳашьҭроуп

© Foto / предоставила Хибла Амичба Хибла Амичба
Хибла Амичба  - Sputnik Аҧсны, 1920, 15.08.2021
Анапаҵаҩра
Германиа иҟоу Аԥсны ахаҭарнак Хьыбла Амҷыԥҳа арадио Sputnik аефир аҟны лгәаанагара лҳәеит амедицинатә усзуҩцәеи ауаажәлар рхаҭарнакцәеи атәыла анапхгара рахь иҟарҵаз ааԥхьаразы алаҵақәа ареспубликахь раагаразы.
Амедицинатә усзуҩцәеи, ауаажәларра рхаҭарнакцәеи алаҵа иаҳәарц Аԥсны ахадарахь ааԥхьара ҟарҵеит. Урыстәылатәи Афедерациа, ауажәларратә хеилакқәа, Адунеизегьтәи агәабзиарахьчара аиҿкаара рышҟа уҳәа алшарақәа зегьы ахархәара рзутәуп аковид чмазараҟынтәи алаҵа аиуразы ҳәа рыԥхьаӡоит ашәҟәы знапы аҵазҩыз.
Амҷыԥҳа: ачымазараҿкы ҳацәызыхьчо алаҵа ада ԥсыхәа аныҟамла, ҳахшыҩ азыҳашьҭроуп
«Иҟарҵаз ааԥхьара даара ииашоуп ҳәа сгәы иаанагоит, излауала ирласны алаҵа ҳаур, зегьы ҳаигәырӷьоит, избанзар ҳгәы ҳнархьоит иҳаҳауа, даара ацәыӡ рацәа ҳамоуп. Ҳара ҳаиԥш ажәлар маҷ рзы ари ааха дууп. Германиа саргьы иҟасҵеит алаҵа. Ишыжәдыруа еиԥш, ара «Спутник V» азхаҵара амаӡам. Сара Pfizer ҟасҵеит, ҳзыхьчаша ҳәа макьаназы иҟоу авакциана ауп, даҽа ԥсыхәа аныҟамла, ҳахшыҩ азыҳашьҭроуп. Саргьы аиашазы уи аԥхьа сацәшәон, избанзар иҿыцу акоуп… акзаҵәык ааԥхьаратә шәҟәы санаԥхьоз азҵаара сызцәырҵит, ара Спутник азхаҵара шамам еиԥш, уаҟа иазхарҵом Мраҭашәаратәи Европа алаҵақәа. Иаҳҳәап, жәларбжьаратәи аиҿкаарақәа авакциана нарышьҭыр Аԥсныҟа, ишԥаҟало уи азхаҵара», - лҳәеит Амҷыԥҳа.
Шәазыӡырҩы аудио.
Ажәабжьқәа зегьы
0