15:35 27 Цәыббра 2021
Ишиашоу ицо аефир
  • USD72.66
  • EUR85.04

Атәылауаҩи аиҳабыреи: Ҭаркьылԥҳа аҵарашықәс аиҿкаашьа апандемиа аамҭаз

Арадио
Икьаҿу ахьарԥш аиура
1532 0 0

Аҟәа ақалақь ахадара аҵараусбарҭа аиҳабы Асҭанда Ҭаркьылԥҳа арадио Sputnik иалҭаз аинтервиу аҿы еиҭалҳәеит, аҵарашықәс ҿыц алагаразы ирылаҳәоу ажәабжь аԥсҭазаараҿы нагӡашьас иаиуа атәы.

 

Атәылауаҩи аиҳабыреи: Ҭаркьылԥҳа аҵарашықәс аиҿкаашьа апандемиа аамҭаз иазкны
Ашколқәа раатразы аҽазыҟаҵара аус усгьы ҳаҿын уи иацаҳҵоит акәымзар, иахьа школк зышә арку ыҟам, ҳәа азгәалҭеит Ҭаркьылԥҳа аиҿцәажәараҿы.

"Сынтәа актәи акласс ахь Аҟәа ашколқәа рахь иааиуеит 900 инареиҳаны ашколхәыҷқәа. Урҭ рыдкылара аус цон есышықәса еиԥш сынтәагьы", - ҳәа лҳәеит Аҟәа ақалақь ахадара аҵараусбарҭа аиҳабы.

Ашкол дуқәа русура иазкны Ҭаркьылԥҳа илҳәеит урҭ рҿы аклассқәа шеихшахо, ашкол хәыҷқәа ишыҟаз иаанхоит, ҳәа азгәалҭеит лара. Аурокқәа рнеиҩс иназыцҵо аҽазыҟаҵарақәа рызҵаара далацәажәауа, Аҟәа ақалақь ахадара аҵараусбарҭа аиҳабы илҳәеит урҭ рымҩаԥгара азҵаара макьана иӡбамкәа ишаанхо.

"Зегь раԥхьа иргыланы ҩымчыбжь аурокқәа рымҩаԥысшьа ҳахәаԥшлоит, шаҟа ҳазыхиоу, шаҟа иҳалшо ҭаҳҵаауеит. Уи зегьы ҳзышьҭыхны ианыҟала, ҩымчыбжь рнеиҩс, иназыцҵо аурокқәа рымҩаԥгара азҵаара ӡбахоит. Акрыфарҭақәа зегьы раартразы аҽазыҟаҵарақәа цоит, аха урҭ  иҷыдоу аусура азалххоит", - ҳәа адырра ҟалҵеит Ҭаркьылԥҳа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Ихадоу атемақәа